މޫސާ މަނިކު އަށް އެމްޑީޕީގެ ޤައުމީ މަޖިލީހުގެ އިންތިހާބުގައި ވާދަ ކުރުމުގެ ފުރުސަތު ނުދިނުމުން އެ މައްސަލަ އިލެކްޝަން ކޮމިޝަނަށް އެޕާޓީގެ ކުރީގެ ޗެއާޕާސަން ނިންމަވައިފިއެވެ.

އެމްޑީޕީގެ މާލެ ސިޓީ ރައީސްކަމަށް ވާދަކުރައްވަން މުސާ މަނިކު ފޯމު ހުށަހެޅުއްވުމުން އެފުރުސަތު ނެތްކަން އެމްޑީޕީން ވަނީ މޫސާ މަނިކުއަށް އަންގާފައެވެ.  އެމްޑީޕީން އެކަން ބަޔާންކޮށް ދިން ޖަވާބު މޫސާ ސޯޝަލް މީޑިއާގައި ހިއްސާކުރައްވާފައިވާއިރު، އެމްޑީޕީއިން ދިން ޖަވާބުގައި މޫސާ އެމްޑީޕީ އާއި ވަކިކުރީ އަނބުރާ އެޕާޓީއާއި ގުޅިވަޑައިގެންނެވިނަމަވެސް، ފަސް އަހަރު ދުވަހަށް އެއްވެސް މަޤާމަކަށް އަދި އިންތިޚާބަކަށްވެސް ވާދަ ނުކުރެވޭނެގޮތަށްކަމަށާއި އެ ނިންމުން ބަދަލުކުރަން ޖެހޭ ސަބަބެއް ނެތްކަމަށް ވިދާޅުވިއެވެ. 

މޫސާ މަނިކު އެމްޑީޕީން ވަކިކޮށްފައިވަނީ 2014 ވަނަ އަހަރު އޭރު ޕާޓީގެ ވިޕްލައިނާއި ޚިލާފުވުމުގެ ސަބަބުން އެ މައްސަލަ ބެލުމަށް ފަހު ޕާޓީގެ ފިޔަވަޅު އަޅާ ކޮމެޓީންނެވެ. އެއަށްފަހު 2022 ވަނަ އަހަރު މޫސާ ވަނީ އަލުން އެމްޑީޕީ އާއި ގުޅިވަޑައިގެންފައެވެ.

Advertisement

މޫސާ މަނިކު އަށް އެމްޑީޕީގެ ޤައުމީ މަޖިލީހުގެ އިންތިހާބުގައި ވާދަ ކުރުމުގެ ފުރުސަތު ނުދިނުމާއި ގުޅިގެން މޫސާ ވަނީ އެކްސްގައި އެމްޑީޕީގެ ލީޑަރޝިޕުން އޭނާއަށް ފުރުސަތު ނުދިން ސަބަބާމެދު ސުވާލު އުފައްދަވާ ޕާޓީގެ ލީޑަރޝިޕަށް އޮތް ބިރަކީ ވެރިކަން ލިބުމަށް އޮތް ހުރަހަކަށް ވުންކަމަށް އޭނާ ވިދާޅުވިއެވެ. އަދި ކުރިންވެސް އޭނާ ޕާޓީން ކަނޑާލީ އެހެންވެ ކަމަށްވެސް މޫސާ ވިދާޅުވިއެވެ. މޫސާ ގަބޫލުކުރައްވާ ގޮތުގައި ގާނޫނު އަސާސީގެ 6 ވަނަ މާއްދާގެ ދަށުން އޭނާއަށް އެމްޑީޕީގެ އެތެރޭގެ އިންތިހާބުގައި ބައިވެރިވުމުގެ ހައްގު ލިބިގެންވެއެވެ. އެހެންކަމުން އޭނާ ވަނީ މިމައްސަލަ ޕާޓީތަކުގެ ބެލެނިވެރި ފަރާތް އިލެކްޝަންސް ކޮމިޝަނަށް ހުށަހެޅުއްވުމަށް މޫސަ ވަނީ ނިންމަވާފައެވެ.