މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މުވައްޒަފުންނަށް ހާއްސަކޮށްގެން ހެލްތް ސްކްރީނިން ޕްރޮގްރާމެއް ފަށައިފިއެވެ.

އެމްއޭސީއެލް އިން މައުލޫމާތު ދީފައިވާ ގޮތުގައި ސޭފްޓީ، ސެކިއުރިޓީ އެންޑް ކޮމްޕްލިއެންސް ޑިޕާޓްމެންޓުގެ އޮކިއުޕޭޝަނަލް ހެލްތް ޓީމުން ކުރިއަށް ގެންދާ ތިން ދުވަހުގެ މި އޮޕަރޭޝަންގައި  ބޮޑީ މާސް އިންޑެކްސް (ބީއެމްއައި) އެސެސްމެންޓް، ދަތުގެ ޗެކްއަޕް، ލޮލުގެ ސްކްރީނިންގެ އިތުރުން ހަކުރު ބައްޔަށް ޓެސްޓް ކުރުން ކުރިއަށްދާނެ ކަމަށެވެ.

މިއަދު އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފު މުހައްމަދާއި އެ ކުންފުނީގެ އިސްވެރިން މި ޕްރޮގްރާމްގައި ބައިވެރިވެ ހެލްތް ސްކްރީނިންގް ހަދާފައިވާއިރު، މި ޕްރޮގްރާމްގެ ބޭނުމަކީ އެމްއޭސީއެލްގެ މުވައްޒަފުންގެ ސިއްހީ ދުޅަހެޔޮކަން ކަށަވަރު ކުރުން ކަމަށް އެމްއޭސީއެލުން ބުނެފައިވެއެވެ.