ރާއްޖޭގައި ބެޓުކުރާ ސައިޓުތައް ބްލޮކުކުރަން ފަށައިފިއެވެ.

ފުލުހުންގެ ތަރުޖަމާނު އެސިސްޓަންޓް ކޮމިޝަނާ އޮފް ޕޮލިސް އަހުމަދު ޝިފާން އާއި ހަވާލާދީ ރާއްޖޭގެ އޮންލައިން ނޫހެއް ކަމަށްވާ ސަން އޮންލައިން އިން ރިޕޯޓްކޯށްފައިވާ ގޮތުގައި ބެޓުކުރަން ރާއްޖޭގައި ބޭނުންކުރާކަމަށް ފާހަގަވެފައިވާ ހަތަރު ސައިޓެއް ބްލޮކްކުރަން ކޮމިއުނިކޭޝަން އޮތޯރިޓީ އޮފް މޯލްޑިވްސް (ކޭމް)އަށް ހުށަހަޅައިފައިވާ ކަމަށެވެ.

"ތިން ހަތަރު ސައިޓެއް އަޅުގަނޑުމެން ވާނެ ބްލޮކްކުރަން ކޭމަށް މިހާރު ހުށަހަޅައިފައި،" އޭނާ ވިދާޅުވިއެވެ.

Advertisement

އެހަތަރު ވެބް ސައިޓްގެ ތެރެއިން "ކިރާ ޑޮޓް ކޮމް" ކިޔާ ސައިޓެއް މިހާރު ވާނީ ބްލޮކް ކޮށްފައި ކަމަށް ޝިފާން ވަނީ ވިދާޅުވެފައެވެ.   

ދިވެހީންގެ ތެރޭގައި ބެޓް ކުރާ ސައިޓްތަކުން ލާރި ހޯދުމަކީ މިހާރު ވަރަށް އާންމުވެފައިވާ ކަމެކެވެ. އެގޮތުން ވަކީންޚާއްސަކޮށް ސްޕޯޓްސް ބެޓިން އަކީ ޒުވާނުން ވަރަށް ފޯރިއާއެކު ކުރަމުން އަންނަ ކަމެކެވެ.