ޒުވާން ޚަޠީބުން ޕްރޮގްރާމްގައި ބައިވެރިވުމަށް 206 ފަރާތުން ފޯމު ހުށަހަޅައިފިއިވެއެވެ.

ދެވަނަ ބުރުގައި ބައިވެރިވުމަށް 206 ފަރާތުން އެޕްލިކޭޝަން ހުށަހަޅައިފިއެވެ. އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ ޒުވާން ޚަޠީބުން ޕްރޮގްރާމުގެ ދެވަނަ ބުރުގައި ބައިވެރިވުމަށް 206 ފަރާތަކުން އެޕްލިކޭޝަން ހުށަހަޅާފައިވާ ކަމަށާއި މި ޕްރިގްރާމްގެ އިމްތިހާން ތިން ސަރަހައްދެއްގައި ބޭއްވުމަށް ހަމަޖެހިފައިވާކަމަށެވެ.

އެގޮތުން މާލޭގެ އިތުރުން އައްޑޫ ސިޓީއާއި މ. އަތޮޅުގައި މިފަހަރުގެ ޕްރޮގްރާމްގެ އިމްތިހާން ބޭއްވުމަށް ހަމަޖެހިފައިވާކަން ހާމަކުރައްވަމުން އިސްލާމީ ކަންތައްތަކާ ބެހޭ ވުޒާރާއިން ވިދާޅުވީ މި ޕްރޮގްރާމްގެ ތެރެއިން ޚަތީބުންނަށް ޚުތުބާ ކިޔުމަށާއި އިމާމުވެނަމާދު ކުރުމަށާއި ދީނާ ގުޅުން ހުރި އެހެނިހެން ޚާއްޞަ ތަމްރީނުތަކެއް ދެވިގެންދާނޭ ކަމަށެވެ.

Advertisement

މީގެ އިތުރުން މި ޕްރޮގްރާމްގެ ސަބަބުން ޚަޠީބުން މަދު ރަށްރަށުގެ ކައުންސިލްތަކަށް ވެސް ބޮޑު ލުއިފަސޭހައެއް ލިބޭކަމަށް އިސްލާމީ ކަންތައްތަކާ ބެހޭ ވުޒާރާއިން ހާމަކޮށްފައިވެއެވެ.  

ޑރ. މުހައްމަދު މުޢިއްޒުގެ އިރުޝާދުގެ ދަށުން ކުރިއަށްދާ ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހުކުރު ކުރުމުގެ ހުއްދަ ދިނުމަށް ކުރިއަށްގެންދާ ޕްރޮގްރާމެކެވެ. ޒުވާން ޚަޠީބުން ތަމްރީންކުރުމަށް ބޭއްވި ފުރަތަމަ ބުރުގައި 100އަށް ވުރެ ގިނަ ކުދިން ވަނީ ބައިވެރިވެ ސަނަދު ހޯދާފައެވެ.