ރޯގާގެ އެއްވެސް އަލާމާތެއް ހުރި ނަމަ، މާސްކު އަޅައިގެން ދިޔުމަށް އައިޖީއެމްއެޗް ހޮސްޕިޓަލުން އިލްތިމާސް ކޮށްފިއެވެ.

ޙައްޖުވެރިންނަށް ޚާއްސަކޮށްގެން އައިޖީއެމްއެޗް އިން ހުޅުވި ފްލޫ ކްލިނިކުން ހިދުމަތް ދިނުން ހުއްޓާލައިފައިވާކަން ހާމަކޮށް އައިޖީއެމްއެޗް އިން ވަނީ ރޯގާގެ އެއްވެސް އަލާމާތެއް ހުރިނަމަ، މާސްކް އަޅައިގެން ހޮސްޕިޓަލަށް ދިޔުމަށް އިލްތިމާސް ކޮށްފައެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން މިދިޔަ ޖޫންމަހުގެ 30ވަނަ ދުވަހު ވަނީ ރޯގާ ފެތުރޭތީ، ޙައްޖަށް ގޮސް، އެނބުރި ރާއްޖެ އަންނަ މީހުން ބަލައި، ވީހާ ވެސް މަދު ބަޔަކު ދިޔުމަށް އެދިފައިވެއެވެ.

Advertisement

އެއާޕޯޓް، ޓެކްސީ، ބަސް އަދި ފެރީ ތެރޭގައި ވެސް ހުރިހާ އެންމެން ވެސް މާސްކު އެޅުމަށާއި ރޯގާޖެހި، ހުންއައިސް، ކެއްސާ އަދި ކިނބިހި އަޅާނަމަ މީހުން އެއްވެ އުޅޭ ތަންތަނަށް ނުދިއުމަށް އެޗްޕީއޭއިން ބުނެފައިވެއެވެ. އަދި އެފަދަ އަލާމާތެއް ހުއްޓާ މީހުން އެއްވެ އުޅޭ ތަނަކަށް ކޮންމެހެން ދާން ޖެހިއްޖެ ހާލަތެއްގައި މާސްކު އެޅުމަށް ވެސް އެޗްޕީއޭއިން އިރުޝާދުދީފައިވެއެވެ.