އަލްޖީރިއާގެ އެކި ހިސާބުތަކުގެ ޖަންގަލިތަކުގެ ހިނގަމުންދާ އަލިފާނުގެ ހާދިސާތަކުގައި އަލިފާން ނިއްވުމުގައި މަސައްކަތްކުރާ 10 ސިފައިން ހިމެނޭ ގޮތަށް 30 އަށް ވުރެ ގިނަ މީހުން މަރުވެފައިވާއިރު، އެގައުމުގެ މެޑިޓެރޭނިއަން ކަނޑުގެ އައްސޭރިފަށުގައި އެތައް ސަތޭކަ ބަޔަކު ގެދޮރުން ނެރެން މަޖުބޫރުވެއްޖެ އެވެ.

މަރުވި މީހުންގެ ރިޕޯޓްތައް ހޯމަ ދުވަހު ލިބިފައިވަނީ އުތުރު އެފްރިކާގެ ބައެއް ހިސާބުތަކުގައި ހޫނުމިން 48 ޑިގްރީ ސެލްސިއަސް (118 ފަރެންހައިޓް) އަށް އަރާފައިވަނިކޮށެވެ.

އަލްޖީރިއާގެ އިންޓީރިއާ މިނިސްޓްރީން ބުނީ 16 ޕްރޮވިންސްއެއްގައި ވައިގަދަވެ އިންތިހާއަށް ހޫނުގަދަވުމުން 97 ދިމާލެއްގައި އަލިފާން ރޯވެފައިވާކަމަށް ރެކޯޑްކޮށްފައިވާ ކަމަށެވެ.

Advertisement

އެ މިނިސްޓްރީން ބުނީ އަލިފާނުގެ ހާދިސާތަކުގެ ސަބަބުން ވެރިރަށް އަލްޖިއަރސްގެ އިރުމަތީގައި އޮންނަ ބެޖައިއާ، ބޮއިރާ އަދި ޖިޖެލް ޕްރޮވިންސުން 1،500 އެއްހާ މީހުން ވަނީ ސަލާމަތްތެރި ހިސާބުތަކަށް ބަދަލުކުރެވިފައެވެ.

އަލްޖީރިއާގެ ރައިސް އަބްދުލްމަޖިދު ޓެބްބޫން ވަނީ މަރުވި މީހުންގެ އާއިލާތަކަށް ތައުޒިޔާ ވިދާޅުވެފަ އެވެ.