އިންޑިއާގެ ކެރެލާގައި ސިކުނޑިއަށް ޖެހޭ ނުރައްކާތެރި ބައްޔެއް ކަމަށްވާ "ބްރެއިން އީޓިން އެމީބާ އިންފެކްޝަން" ފެތުރެމުންދާތީ ދިވެހިން ސަމާލުވާން އެދިއްޖެ އެވެ.

ކެރެލާގެ ސިއްހަތާ ބެހޭ ވުޒާރާތަކުން ސިކުނޑިއަށް ޖެހޭ އެ ބައްޔަށް ސަމާލުވުމަށް އެންގުމުން ދިވެހިރާއްޖޭގެ ކޮންސިއުލޭޓް ޖެނަރަލުން ވަނީ ދިވެހިންނަށް މި ބައްޔަށް ސަމާލުވުމަށް އިލްތިމާސް ކޮށްފައެވެ.

އިންޑިއާގެ ކެރެލާއިން ފެނިފާއިވާ ބްރެއިން އީޓިން އެމީބާ އިންފެކްޝަންގެ އަމާލާތްތަކުގެ ތެރޭގައި ހުން އައުމާއި ބޮލުގައި ރިއްސުމާއި ހޮޑުލުމާއި ކަނދުރާގެ ނާރު އެރުމާއި ވާނުވާ ނޭނގުން އަދި ފިޓު ޖެހުން ފަދަ ކަންކަން ހިމެނެއެވެ. ރާއްޖޭގެ ކޮންސިއުލޭޓް ޖެނަރަލުން  ވަނީ މީގެން އަލާމާތެއް ފެނިއްޖެ ނަމަ، އަވަހަށް ލަސްނުކޮށް ޑޮކްޓަރަށް ދެއްކުމަށް އިލްތިމާސްކުރި އެވެ.

Advertisement

ބްރެއިން އީޓިން އެމީބާ އިންފެކްޝަން އަކީ ކަންފަތުން ނުވަތަ ނޭފަތުން ހަށިގަނޑު ތެރެއަށްދާ ޖަރާސީމަކަށްވާތީ ކޯރުފަދަ ތަންތަނަށް މިދުވަސް އެރުމަކީ ރައްކާތެރި ކަމެއް ނޫނެވެ. އަދި ސްވިމިން ޕޫލަށް އެރޭ ނަމަ ކަންފަތާއި ނޭފަތަށް ފެން ނޭޅޭ ގޮތަށް އިޔާ ބަޑް ނުވަތަ ނޭސަލް ކްލިބް ބޭނުންކުރުމަށް ރާއްޖޭގެ ކޮންސިއުލޭޓް ޖެނަރަލުން ވަނީ އިލްތިމާސް ކޮށްފައެވެ.