އެސްޓިއޯގެ މިދިޔަ އަހަރުގެ ފައިދާ އިން ހިއްސާ އަކަށް 80ރ. ބަހަން އެސްޓިއޯއިން ނިންމައިފިއެވެ.

އެސްޓިއޯގެ އަހަރީ އާންމު ޖަލްސާގައި އެކުންފުނީގެ މިދިޔަ އަހަރުގެ ފައިދާއިން ހިއްސާއަކަށް 80 ރުފިޔާ ބަހަން ނިންމާފައިވަނީ ޖަލްސާގައި ބައިވެރިވި މީހުންގެ ތެރެއިން 00 ޕަސެންޓް ވޯޓުންނެވެ. އެގޮތުން ރޭ ވީއައިއޭ ސީޕްލޭން ޓާމިނަލުގެ ނީރި ލައުންޖުގައި ބޭއްވި ޖަލްސާގައި އެކުންފުނީގެ ހިއްސާދާރުންގެ ތެރެއިން 189 ހިއްސާދާރުން ވަނީ ބައިވެރިވެފައެވެ.

އެސްޓިއޯގެ ފައިދާއިން 80 ރުފިޔާ ބަހަން އެސްޓިއޯއިން ނިންމާފައިވާއިރު، މިއަހަރު އެސްޓިއޯއިން ހިއްސާގެ ގޮތުގައި ބަހާފައިވާ އަދަދަކީ ފާއިތުވި 10 އަހަރުގެ ތެރޭގައިވެސް އެކުންފުނިން ހިއްސާގެ ގޮތުގައި ބަހާފައިވާ އެންމެ ބޮޑު އަދަދެވެ. އެގޮތުން މިއަހަރު 80 ރުފިޔާ ބަހަން ނިންމާފައިވާއިރު، ހުސްވި އަހަރު ބަހާފައިވަނީ 77 ރުފިޔާއެވެ.

Advertisement

އެސްޓިއޯ އަކީ ރާއްޖޭގައި ވިޔަފާރި ކުރާ އެންމެ ބޮޑު އެއް ކުންފުންޏެވެ. އެސްޓީއޯ އަށް މިދިޔަ އަހަރު ޖުމްލަ އާމްދަނީގެ ގޮތުގައި 16 ބިލިއަން ރުފިޔާ ލިބިފައިވާއިރު، މިއީ އޭގެ ކުރީ އަހަރާ އަޅާބަލާއިރު ދެ ބިލިއަން ރުފިޔާ ދަށް އަދަދެކެވެ. އެ ކުންފުންޏަށް މިދިޔަ އަހަރު ސާފު ފައިދާގެ ގޮތުގައި 819 މިލިއަން ރުފިޔާ ލިބިފައިވާއިރު، މިދިޔަ އަހަރު ލިބުނު ފައިދާ އަކީ އޭގެ ކުރީ އަހަރަށް ވުރެ 10 ޕަސެންޓު އިތުރު އަދަދެކެވެ.