ދައުލަތަށް ދައްކަން ޖެހޭ ޓެކްސް ނުދައްކައިގެން އަމިއްލަ ކުންފުންޏެއްގެ މައްޗަށް 61،130.75 ޑޮލަރު ދެއްކުމަށް ސިވިލް ކޯޓުން ހުކުމްކޮށްފިއެވެ.

ބީޕީޓީގެ ގޮތުގައި ދައްކަންޖެހޭ ފައިސާ ނުދެއްކުމުގެ ސަބަބުން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ދައުވާކޮށްފައިވަނީ ކަނޑައެޅިފައިވާ ތާރިހަށް ބީޕީޓީ ބަޔާން ހުށަހަޅާފައިނުވާތީ އަރާފައިވާ ފައިސާ އާއި އިންޓްރެސްޓްގެ ގޮތުގައި އަރާފައިވާ ފައިސާ އާއި އަދި ކަނޑައެޅިފައިވާ ތާރީހުގައި ބީޕީޓީ ނުދައްކާތީ އަރާފައިވާ ފައިސާ އާއި ޖޫރިމަނާއަށް އަރާފައިވާ ޖުމްލަ ފައިސާގެ ގޮތުގައި 143،090.75 ޑޮލަރު ދެއްކުމަށެވެ.

އެހެންނަމަވެސް ދަޢުވާލިބޭ ފަރާތަށް ދައުވާ ފޯމާއި ލިޔެކިޔުންތައް ހަވާލުކުރުމުން އެފަރާތުން ދަޢުވާއަށް ޖަވާބުދާރީ ނުވުމުން މީރާއިން ވަނީ "ޣައިރު ހާޒިރުގައި ހުކުމްކޮށްދިނުމަށް އެދޭ ފޯމް" ހުށަހަޅާ ޓެކްސް ނެގޭ މުއްދަތުތަކާ ގުޅިގެން ވިޔަފާރި ފައިސާއިން ނަގާ ޓެކުހާއި އިންޓްރެސްޓްގެ ގޮތުގައި ދައުލަތަށް 61،130.75 ޑޮލަރު ނަގައި ދިނުމަށް އެދިފައެވެ.

Advertisement

މީރާއިން މިފަދައިން އެދުމުން މައްސަލަ ބެއްލެވި ގާޟީ އާއިޝަތު އަޒުފާ އަބްދުލްޣަފޫރު މިމައްސަލައިގައި ޙުކުމްކުރައްވާފައިވަނީ ޙުކުމް ކުރި ތާރީޚުން ފެށިގެން ފަސް މަސްދުވަސް ތެރޭގައި ދައުވާ ލިބޭ ފަރާތުން 61.130.75 ޑޮލަރު މީރާއަށް ދައްކާ ހަލާސް ކުރުމަށެވެ.