ފުލުހުން ތަހުގީގުކުރަމުންދާ މައްސަލައެއްގެ ތަހުގީގަށް ތިން މީހަކު ހާޒިރުކުރަން އިއުލާނުކޮށްފި އެވެ.

ފުލުހުން ބުނީ އެ މީހުން ހޯދަމުންދަނީ މަސްތުވާތަކެތީގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.

އެ ތިން މީހުންނަކީ، ކ.ކާށިދޫ ރިވެލި، އީސާ ވަސީމް (37އ) އާއި ކ. ތުލުސްދޫ ބްލޫވޭވް، މުހައްމަދު އިސްމާއިލް (48އ) ގެ އިތުރުން ސ. ހިތަދޫ، ސްޕަންޖްގެ އަހުމަދު ހޫދު، (26އ) އެވެ.

Advertisement

އެ މީހުން ހާޒިރުވާން ޖެހެނީ ފުލުހުން ބުނިގޮތުގައި އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގ ނުވަތަ އެންމެ ކައިރީގައި ހުންނަ ޕޮލިސް ސްޓޭޝަނަކަށެވެ. ހާޒިރުވާން ޖެހެނީ މި މަހުގެ 21 ވަނަ ދުވަހުގެ 12:00 އަށެވެ