އަންނަ މަހުން ފެށިގެން މާފުއްޓާއި، ކުޅުދުއްފުށި ސިޓީ އަދި ތިނަދޫ ސިޓީގައި ވެމްކޯގެ ސައިޓްތަކުން ގޭޓް ފީއެއް ޗާޖްކުރާނެކަމަށް ވެމްކޯއިން ވިދާޅުވެއްޖެއެވެ.

ވެމްކޯއިން ވިދާޅުވީ މާފުއްޓާއި، ކުޅުދުއްފުށި ސިޓީ އަދި ތިނަދޫ ސިޓީގައި ވެމްކޯގެ ހިދުމަތްތަކަށް ރަޖިސްޓަރީ ކޮށްފައިވާ ފަރާތްތަކަށް މިދިޔަ މަހުން ފެށިގެން ހިދުމަތްތައް ފޯރުކޮށްދޭން ފަށާފައިވާ ކަމަށާއި  މިދިޔަ މަހުގެ ހިދުމަތްތަކަށް ބިލް ނުކުރަން އެކުންފުނިން ނިންމާފައިވާ ކަމަށެވެ.

ވެމްކޯގެ ޚިދުމަތްތަކަށް ރަޖިސްޓަރކޮށްފައިވާ ގޭބިސީތަކުން މަހަކު 150 ރުފިޔާ ނެގުމަށް ހަމަޖެހިފައިވާ ކަމަށާއި މާފުށިން މި ޚިދުމަތަށް ރަޖިސްޓަރކޮށްފައިވާ ވިޔަފާރިތަކުން ލީޓަރަކަށް 0.27 ރުފިޔާ ނެގުމަށް ނިންމާފައިވާއިރު ތިނަދޫ އަދި ކުޅުދުއްފުށީ ސިޓީން ލީޓަރަކަށް 0.16 ރުފިޔާ ނެގުމަށް ވެމްކޯއިން ވަނީ ކަނޑައަޅާފައެވެ.

Advertisement

ވެމްކޯއިން ވަނީ މާފުށީގައި ވެމްކޯގެ ސައިޓްތަކުން ޚިދުމަތް ހޯދާ ފަރާތްތަކަށް ޓަނަކަށް 500 ރުފިޔާ ނެގުމަށް ކަނޑައަޅާފައެވެ. އަދި ތިނަދޫ އާއި ކުޅުދުއްފުށީ ސިޓީގެ ވެމްކޯގެ ސައިޓްތަކުން ޚިދުމަތް ހޯދާ ފަރާތްތަކުގެ އަތުން ޓަނަކަށް 108 ރުފިޔާގެ މަގުން ޗާޖުކުރުމަށް އެކުންފުނިން ވަނީ ކަނޑައަޅާފައެވެ. މީގެއިތުރުން، މި 3 ރަށުންގެ ސަރުކާރު މުއައްސަސާތަކުގެ ގޭޓްފީއެއްގެ ގޮތުގައި 2660 ރުފިޔާ ނެގުމަށް ނިންމާފައިވާ ކަމަށް ވެސް ވެމްކޯއިން ހާމަކޮށްފައިވެއެވެ.