ފުލުހުންގެ ބެލުމުގެދަށަށް ގެނައުމުގެ ތެރޭގައި މީހަކަށް އަނިޔާވެ އިންދިރާ ގާންދީ މެމޯރިއަލް ހޮސްޕިޓަލުގައި ފަރުވާދޭން ފަށައިފިއެވެ.

ފުލުހުން ގެ ތަރުޖަމާން އަހްމަދު ޝިފާން ވިދާޅުވީ މިރޭ ވިދާޅުވީ ޑްރަގް ކޯޓްގެ އަމުރެއްގެ ދަށުން އެކޯޓަށް މާދަމާ 1:00 ޖަހާއިރަށް ހާޒިރުކުރުމަށް، ފުލުހުންގެ ބެލުމުގެދަށަށް ގެނައުމުގެ ތެރޭގައި 38 އަހަރުގެ ފިރިހެނަކަށް އަނިޔާވެފައިވާ ކަމަށާއި އޭނާއަށް މިހާރު އައިޖީއެމްއެޗް ހޮސްޕިޓަލުގައި ފަރުވާދެމުންދާ ކަމަށެވެ.

އާއިލާއިން ވަނީ މިހާދިސާގައި ފުލުހުން އަމަލުކުރި ގޮތާއި މެދު ކަންބޮޑުވުން ފާޅުކޮށްފައެވެ. އާއިލާއާއި ހަވާލާދީ ޝިފާން ވިދާޅުވީ ފުލުހުން އަމަލުކޮށްފައިވާ ގޮތާއި މެދު ކަންބޮޑުވާ ކަންކަން އެބަ ހުރި ކަމަށެވެ.

Advertisement

"އެކަން ބެލުމަށް، ފުލުހުންގެ ޕްރޮފެޝަނަލް ސްޓެންޑަރޑްސް ކޮމާންޑް، ނެޝަނަލް އިންޓެގްރިޓީ ކޮމިޝަން އަދި ހިއުމަން ރައިޓްސް ކޮމިޝަންގައި އެދިފައިވާނެ ވާހަކަ ދަންނަވަން،". ޝިފާން ވިދާޅުވިއެވެ.