އަމީނީ މަގުގައި ހުންނަ ކޭއެފްސީގެ ބިއްލޫރިގަނޑު ތަޅާލައިފިއެވެ.

ބަޔަކު ކޭއެފްސީގެ ބިއްލޫރި ގަނޑު ތަޅާލިކަމުގެ ރިޕޯޓް ފުލުހުންނަށް ރޭ ދަންވަރު 3 ޖަހާކަށްހާރި  ކޮށްފައިވާ ކަމަށާއި އެމައްސަލަ މިހާރު ބަލަމުންދާ ކަމަށް ފުލުހުން ބުނެފައިވެއެވެ.

މިމައްސަލަ ބަލަމުންދާކަމުގެ އިތުރުން މިމައްސަލަ އާއި ގުޅޭ އިތުރު އެއްވެސް މައުލޫމާތެއް ފުލުހުން ހާމަކޮށްފައެއް ނުވެއެވެ.

Advertisement

ރޭގެ ދަންވަރުގެ ވަގުތެއްގައި ކޭއެފްސީގެ ބިއްލޫރިގަނޑު ތަޅާލާފައިވާއިރު، އިޒްރޭލުން ޣައްޒާގެ ރައްޔިތުންނާއި ދެކޮޅަށް ހިންގަމުންދާ ގަތުލުއާއްމާއި ދެކޮޅަށް ދުނިޔޭގެ އެކި ކަންކޮޅުގައި ދަނީ ކޭއެފްސީ ފަދަ އިޒްރޭލަށް ފައިނޭންސް ކުރާ ކުންފުނިތައް ބޮއިކޮޓް ކުރަމުންނެވެ.

ކޭއެފްސީ ބޮއިކޮޓް ކުރުމަށް ބަޔަކު އިހުތިޖާޖު ކުރަނީ/ ފޮޓޯ: ހަބަރު

އެގޮތުން ރާއްޖޭގައިވެސް މިކުންފުނިތައް ބޮއިކޮޓް ކުރުމަށް ގިނަ ބަޔަކު ވަނީ ގޮވާލާފައެވެ. އަދި ކޭއެފްސީ ކުރިމަތީގައި ވެސް ކޭއެފްސީ ބޮއިކޮޓް ކުރުމަށް އިހުތިޖާޖު ކުރެއެވެ.