ގަވާއިދާ ހިލާފަށް ރާއްޖޭގައި ވިޔަފާރި ކުރަމުންދާ ބިދޭސީން ހޯދުމަށް އިމިގްރޭޝަނުން ކުރިއަށްގެންދާ އޮޕަރޭޝަންގެ ތެރެއިން މިރޭ ހުޅުމާލޭގައި ހަ ތަނެއް ބަލައި ފާސްކޮށް، ދެ ބިދޭސީއަކު އަތުލައިގެންފިއެވެ.

އިމިގްރޭޝަނުން މިރޭ އެކްސްގައި ކުރި ޕޯސްޓެއްގައި ވިދާޅުވީ ގަވައިދާ ހިލާފަށް ވިޔަފާރި ކުރަމުންދާ ބިދޭސީން ހޯދުމަށް ކުރާ މަސައްކަތުގެ ތެރެއިން ހުޅުމާލޭގެ ހަ ތަނެއް ބަލައި ފާސްކޮށް، ގަވައިދާ ހިލާފަށް މަސައްކަތް ކުރަމުން ދިޔަ ދެ ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ.

މިރޭ އިމިގްރޭޝަންގެ ބެލުމުގެ ދަށަށް ގެނެސްފައިވާ މީހުންނާއި ގުޅޭ އިތުރު ތަފްސީލެއް އިމިގްރޭޝަނުން ހާމަކޮށްފައެއް ނުވެއެވެ.

Advertisement

އިމިގްރޭޝަނުން ގަވާއިދާއި ޚިލާފަށް އުޅޭ ބިދޭސީން ހައްޔަރުކުރުމަށް ފަށާފައިވާ މި އޮޕަރޭޝަންތައް ފަށިތާ ކުޑަދުވަސްކޮޅެއް ވެފައިވާއިރު، އިމިގްރޭޝަނުން ވަނީ ގިނަ އަދަދެއްގެ ބިދޭސީން އެއިދާރާގެ ބެލުމުގެ ދަށަށް ގެނެސްފައެވެ.

ގަވާއިދާއި ޚިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ގެނައުމަށް މިސަރުކާރުން ދަނީ ގިނަ އިމިގްރޭޝަނުން ވަނީ ގަވާއިދާ ހިލާފަށް އުޅޭ ބިދޭސީން ހޯދަން "އިމިގްރޭޝަން ވޮޗް"ގެ ނަމުގައި ހާއްސަ ޕޯޓަލެއް ވެސް އިފްތިތާހުކޮށްފައެވެ.