"މާލެ ފަހި" ޕްރޮގްރާމް ގެ ދަށުން ބްރިޖާއި ހަލިމަގަށް ޓޯލް ފީއެއް ތައާރަފް ކުރުމުގެ މަސައްކަތް ކުރަމުންދާ ކަމަށް ސަރުކާރުން ހާމަކޮށްފިއެވެ.

ސަރުކާރުން މިކަން ހާމަކުރައްވާފައި ވަނީ ރޭ މާލޭ ތޮއްޖެހުމުގެ މައްސަލަ ހައްލު ކުރުމަށާއި މާލޭ ސަރަހައްދަކީ ރައްކާތެރި އަމާން ތަނަކަށް ހެދުމަށް ކުރަމުން އަންނަ މަސައްކަތުގެ ތެރެއިން "މާލެ ފަހި" ޕްރޮގްރާމް ލޯންޗު ކުރުމަށް ބޭއްވި ރަސްމިއްޔާތުގަ އެވެ.

"މާލެ ފަހި" ޕްރޮގްރާމް ގެ ދަށުން ސަރުކާރުން ކުރުމަށް ނިންމާފައިވާ ބައެއް ކަންކަމާއި ގުޅޭ ޕްރެޒެންޓޭޝަންގައި ބްރިޖާއި ހަލި މަގުން ޓޯލް ފީއެއް ތައާރަފް ކުރަމުންދާ ކަމަށް ހިމަނާފައިވާއިރު، މިކަމާއި ގުޅޭ އިތުރު އެއްވެސް ތަފްސީލެއް ހާމަކޮށްފައެއް ނުވެއެވެ.

Advertisement

 ޕްރެޒެންޓޭޝަނުގައި ހާމަކޮށްފައިވާ ގޮތުގައި  ބްރިޖާއި ހަލިމަގަށް ޓޯލް ފީއެއް ތައާރަފް ކުރާނީ ކަމާއި ގުޅުން ހުރި ފަރާތްތަކާއި މަޝްވަރާ ކުރުމަށްފަހު އެވެ. އަދި އެކަމާއި ގުޅޭ ދިރާސާ ކުރުން އަންނަ އޮގަސްޓް މަހު ފަށާނެކަން ވެސް ވަނީ ހާމަކޮށްފައެވެ.