އެމެރިކާގެ ރައީސް ޖޯ ބައިޑަން އަލުން އިންތިހާބުގައި ވާދަކުރެއްވުމަށް ހުށަހެޅުއްވި ބިޑު ދޫކޮށްލުމަށް ނިންމެވި ފަހުން ވޮޝިންޓަންގައި ފުރަތަމަ ފަހަރަށް އާންމު ތަގުރީރެއް ކުރައްވައިފި އެވެ. އޭނާ ބުނާ ގޮތުގައި މިއީ ޒުވާން އަޑުތަކަށް ޖާގަ ދޭންވީ ވަގުތެވެ.

ބައިޑަން ބުނީ ކުރިއަށް ދިއުމަށް އެންމެ ރަނގަޅު ގޮތަކީ އާ ޖީލަކަށް ޓޯޗު ފޯރުކޮށްދިނުން ކަމަށް ނިންމާފައިވާ ކަމަށާއި އެއީ ގައުމު އެއްބައިވަންތަ ކުރުމަށް އެންމެ ރަނގަޅު ގޮތް ކަމަށެވެ.

ބަހުސްގެ ދަށް ނަތީޖާއަކަށް ފަހު ހަފްތާތަކެއް ފަހުން އަދި އޭނާގެ އަމިއްލަ ޑިމޮކްރެޓިކް ޕާޓީގެ މެމްބަރުން އެއްފަރާތްވުމަށް ގޮވާލުންތައް އިތުރުވަމުންދާ ދަނޑިވަޅެއްގައި ބައިޑަން ވަނީ ހުކުރު ދުވަހު ކެމްޕޭން ނިންމާލާފަ އެވެ.

Advertisement

އޭނާގެ ފަހަތުން ވެރިކަމަށް ނައިބު ރައީސް ކަމަލާ ހެރިސް އެންޑޯސް ކުރައްވާފައިވެ އެވެ.

ބައިޑަންގެ ވާހަކަފުޅުގައި ހެރިސްއަށް ނިސްބަތްކޮށް ވިދާޅުވީ "އެކަމަނާއަކީ ތަޖުރިބާކާރު، ވަރުގަދަ، ގާބިލް، އަދި އަހަރެމެންގެ ގައުމުގެ ލީޑަރެއް" ކަމަށެވެ.

ބައިޑަން ބުނީ މީގެ ހަތަރު އަހަރު ކުރިން އިންތިޚާބުގައި ވާދަކުރަން އިޚްތިޔާރު ކުރީ "އެމެރިކާގެ ފުރާނަ ނުރައްކަލުގެ ތެރެއަށް ވެއްޓިފައި އޮތުމުން" ކަމަށެވެ.

ބައިޑަން އިތުރަށް ވިދާޅުވީ "އެމެރިކާގެ ފުރިހަމަ ކަމަކީ މިތަނުގައި ރަސްރަސްކަލުންނާއި ހުދުމުހުތާރު ވެރިން ވެރިކަން ނުކުރާ، ރައްޔިތުން ވެރިކަން ކުރާ. ތާރީޚު އޮތީ ތިޔަބޭފުޅުންގެ އަތުގައި. ބާރު އޮތީ ތިޔަބޭފުޅުންގެ އަތުގައި. އެމެރިކާގެ ޚިޔާލު އޮތީ ތިޔަބޭފުޅުންގެ އަތުގައި" ކަމަށެވެ.

ބައިޑަން ވިދާޅުވީ ކުރިއަށް އޮތް ހަ މަސް ދުވަހު އޭނާ ހޭދަކުރާނީ ރައީސްގެ ވަޒީފާއަށް ފޯކަސް ކުރުމާއި އިގްތިސާދު ކުރިއެރުވުމާއި މީހުންގެ ހައްގުތައް ދިފާއު ކުރުމުގަ އެވެ.