މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މިނިވަންދުވަހުގެ މުނާސަބަތުގައި ބޭއްވުމަށް ހަމަޖެހިފައިވާ ޝަރަފްވެރި ހިނގާލުން އަންނަ މަހުގެ 2 ވަނަ ދުވަހު ކުރިއަށް ގެންދިޔުމަށް ނިންމައިފިއެވެ.

އެމްއެންޑީއެފުން މިކަން ހާމަކޮށްފައިވަނީ އެކްސްގައި ކުރި ޕޯސްޓެއްގައެވެ. މި ޕޯސްޓުގައި ބުނެފައިވަނީ މިނިވަންދުވަހުގެ މުނާސަބަތުގައި މާލޭގައި މިއަދު ބޭއްވުމަށް ތާވަލްކުރެވުނު ސިފައިންގެ މަގުމަތީ ހިނގާލުން، މޫސުން ތަންނުދިނުމުގެ ސަބަބުން 2 އޮގަސްޓް ވާ ހުކުރުދުވަހު ހަވީރު ބާއްވާގޮތަށް ހަމަޖެހިފައިވާކަމުގައެވެ.

މިނިވަންދުވަހުގެ މުނާސަބަތުގައި އެމްއެންޑީއެފް އިން ރާއްޖޭގެ މިނިވަން ދުވަހުގެ މުނާސަބަތުގައި ކޮންމެ އަހަރަކު ވެސް ސިފައިންގެ ޝަރަފްވެރި ހިނގާލުމާއި އެކީ ފުޅަނދުބުރުގެ ހަރަކާތެއް ކުރިއަށް ގެންދިޔަ ނަމަވެސް މިއަހަރު ބޭއްވުމަށް ހަމަޖެހިފައިވަނީ ހަމައެކަނި ސިފައިންގެ ޝަރަފުގެހިނގާލުމެވެ.

Advertisement