މޫސުމާއި ބެހޭ ގައުމީ އިދާރާއިން ލަފާކޮށް ބުނެފައިވާ ގޮތުގައި ކުރިއަށް އޮތް 24 ގަޑިއިރުގެ މޫސުން ގޯސްވާނެއެވެ.

ކުރިއަށް 24 ގަޑިއަރު މޫސުން ގޮދަވާނެކަމަށް ލަފާކޮށް އެއިދާރާއިން ވަނީ ހއ. އަތޮޅުން ފެށިގެން ފުވައްމުލަކު ސިޓީ އާއި ހަމައަށް ހުދު ސަމާލު ނެރެފައެވެ.

މީގެއިތުރުން ރާއްޖޭގެ އެކި ސަރަހައްދަށް ބޯކޮށް ވާރޭވެހި ގުގުރުން އެކަށީގެންވާ ކަމަށް ބުނެ އެއިދާރާއިން ވަނީ މޫސުމަށް ސަމާލުވުމަށް އިލްތިމާސް ކޮށްފައެވެ.

Advertisement

އެއިދާރާއިން ވަނީ މޫސުން ގޯސްވުމުގެ ސަބަބުން ރާއްޖޭގެ އެކި ސަރަހައްދުތަކަށް މިއަދު ދެފަހަރު ހުދު އެލާޓް ނެރެފައެވެ.

މޫސުމާއިބެހޭ ގައުމީ އިދާރާއިން ލަފާކޮށްފައިވާ ގޮތުގައި މެދުރާއްޖެތެރެ އާއި އުތުރުގެ އަތޮޅުތަކަށް މިރޭ ވައިޖެހޭނީ ހުޅަނގު ދެކުނާއި ހުޅަނގުން ގަޑިއަކު ހަތް މޭލާއި 17 މޭލާ ދެމެދުގެ ބާރުމިނުގަ އެވެ. އަދި ދެކުނުގެ އަތޮޅުތަކަށް އިރުދެކުނާއި ދެކުނުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގަ ވައިޖެހޭއިރު، ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައިގަދަވުން އެކަށީގެންވާ ކަމަށް އެއިދާއިން ވަނީ ބުނެފައެވެ.

މީގެއިތުރުން އުތުރާއި މެދު ރާއްޖެތެރޭގެ ކަނޑުތައް އަދައިގެ ވަރަކަށް ގަދަވާނެ ކަމަށާއި ދެކުނު ކަނޑުތައް މަޑުވާނެ ކަމަށް މެޓް އޮފީހުން ބުނެފައިވެއެވެ.