ފްރާންސްގެ ޕެރިހުގައި ކުރިއަށްދާ އޮލިމްޕިކްސްގެ ޓޭބަލް ޓެނިސް އިވެންޓްގެ ޕްރިލިމިނަރީ ބުރުގެ މެޗުން ރާއްޖޭގެ ހުނަރުވެރި ޓީޓީ ކުޅުންތެރިޔާ، ފާތިމަތު ދީމާ އަލީ ބަލިވެއްޖެ އެވެ.

ދީމާ ބަލިވީ ޕޮލަންޑްގެ ކަޓާރްޒައިނާ ވޭގަޖަން އަތުން ސީދާ ހަތަރު ސެޓުންނެވެ. މެޗުގެ ސެޓުތައް ދިޔައީ 11-05, 11-05, 11-02 އަދި 11-08 އިންނެވެ.

އުމުރުން 16 އަހަރުގެ ދީމާ އަކީ ރާއްޖޭގެ ކުޅިވަރު ތާރީހުގައި އޮލިމްޕިކްސް އަށް ކޮލިފައިވެގެން ވާދަކުރާ ފުރަތަމަ އެތްލީޓެވެ. އޮލިމްޕިކްސް ހުޅުވުމުގެ ރަސްމިއްޔާތުގައި ރާއްޖޭގެ ދިދަ ވެސް އުފާލައިވަނީ ދީމާ އެވެ.

Advertisement

މި ފަހަރުގެ އޮލިމްޕިކްސްގައި ރާއްޖޭން ހަތަރު ކުޅިވަރެއްގައި ވާދަކުރާނެ އެވެ. އެއީ، ބެޑްމިންޓަން، އެތުލެޓިކްސް، ސްވިމިން އަދި ޓޭބަލް ޓެނިސް އެވެ.