އެމެރިކާގެ ކުރީގެ ރައީސް ބަރަކް އޮބާމާ އާއި އެމަނިކުފާނުގެ އަނބިކަނބަލުން މިޝެލް ވަނީ ނައިބު ރައީސް ކަމާލާ ހެރިސް އެބޭފުޅުންގެ ޗޮއިސްއެއްގެ ގޮތުގައި އެންޑޯސްކޮށްފަ އެވެ. ހެރިސްގެ ކެމްޕޭން ޓީމުން ހުކުރު ދުވަހު އާންމުކުރި ވީޑިއޯއެއްގައި ކެމްޕޭން ޓްރެއިލްގައި އޮބާމާ އާއިލާއިން އޭނާއާ ގުޅި ވަގުތު ވަނީ ދައްކާފައެވެ.

ބަރަކް އޮބާމާ ވިދާޅުވީ އޭނާ އާއި މިޝެލް އަށް ކުރެވެން އޮތް ހުރިހާ މަސައްކަތެއް ކުރާނެ ކަމަށެވެ. މިޝެލް އޮބާމާ ވިދާޅުވީ އިންތިޚާބަކީ "ތާރީހީ" އިންތިޚާބަކަށް ވާނެ ކަމަށް އޭނާއަށް ހީވާ ކަމަށާއި އެ އެންމެން ވެސް ކަމާލާ މޮޅުވާނެކަން ޔަގީން ކުރުމަށްށެވެ.

ކަމާލާ ޖަވާބު ދެއްވަމުން ވިދާޅުވީ އެމީހުންގެ ތާއީދުން އޭނާއަށް "ވަރަށް ބޮޑު މާނައެއް ދޭހަވާ" ކަމަށެވެ.

Advertisement

އޮބާމާގެ އާއިލާއަކީ ޑިމޮކްރެޓިކް ޕާޓީގެ ސަޕޯޓަރުންގެ މެދުގައި ވަރަށް މަގުބޫލުކަން އޮތް އާއިލާއެކެވެ. އެމީހުންގެ އެންޑޯސްމަންޓުން ކަމާލާއަށް ޓިކެޓް ލިބުން ވަރަށް ގާތެވެ. އަދި ކުރިއަށް އޮތް ދުވަސް ކޮޅުގައި ޑިމޮކްރެޓިކް ނޭޝަނަލް ކޮމިޓީން ތައްޔާރުވަމުން އަންނަނީ ރަސްމީކޮށް ކެންޑިޑޭޓެއްގެ ނަން ޢިއުލާން ކުރުމަށްށެވެ.