ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ނައިބު ރައީސް މުހައްމަދު ފިރާޒް މަގާމުން ވަކިކޮށްފި އެވެ.

މިދިޔަ ބުރާސްފަތި ދުވަހު ރައީސް ޑރ. މުޙައްމަދު މުޢިއްޒު ވަނީ ފިޔާޒް އެމަގާމުން ވަކިކުރެއްވާފައިވާ ކަން އޭނާ އަށް އަންގާފައެވެ.

ފަސް އަހަރުގެ ދައުރަކަށް ޕީސީބީގެ ބޯޑް މެންބަރުން އެމަގާމަށް އައްޔަން ކުރެވިފައިވާއިރު، ފިރާޒް އަދި އެމަގާމުގައި ހުންނެވީ ތިން އަހަރުއެވެ.

Advertisement

ސޯޝަލް މީޑިއާގައި ފިރާޒް ކުރެއްވި ޕޯސްޓެއްގައި ވިދާޅުވެފައި ވަނީ ޕީސީބީގެ ނައިބު ރައީސްގެ މަގާމުގައި ހުރެ، އޭނާ ކުރެއްވި މަސައްކަތާއި މެދު އޭނާ ވަރަށް ބޮޑަށް ހިތްހަމަޖެހޭ ކަމަށާއި އޭނާއަށް އެމުއްދަތުގެ ތެރޭގައި ސަރުކާރު ހިއްސާވާ ކުންފުނިތައް އިސްލާހު ކުރުމަށް މުހިއްމު މަސައްކަތްތަކެއް ކުރެއްވުނު ކަމަށެވެ.

ޕީސީބީ އަށް ބޯޑު މެންބަރުން ރައީސުލްޖުމްހޫރިއްޔާ އައްޔަން ކުރައްވާއިރު، ޕީސީބީ އަކީ މިނިވަން އިދާރާއެއްގެ ގޮތުގައި މަސައްކަތް ކުރާ އިދާރާއެއް ކަމުގައިވީ ނަމަވެސް އެ އިދާރާގެ ބޯޑުން ވަނީ ކުންފުނިތަކަށް މެނޭޖިން ޑިރެކްޓަރުން ކަނޑައެޅުމުގެ ބާރު ދޫކޮށްލާ ރައީސުލްޖުމްހޫރިއްޔާ އާއި ހަވާލުކޮށްފައެވެ. ޕީސީބީ އުފެއްދުމަށްފަހު 10 އަހަރުވެފައިވާ އިރު، އަދި މިހާތަނަށް މިއުސޫލަށް ފަހުގެ އެއްވެސް ޕިސީބީ ބޯޑަކުން ބަދަލު ގެނެސްފައެއް ނުވެއެވެ.