މައުލޫމާތު ހޯދުމާއި ލިބިގަތުމުގެ ގާނޫނުގެ ދަށުން ސަރުކާރު ހިއްސާވާ ކުންފުނިތަކުން މައުލޫމާތު ދޭން ޖެހޭ ކަމަށް ބަޔާންކުރާ މާއްދާ ގާނޫނާއި ޚިލާފުކަމަށް ކަނޑައަޅާއި ދިނުމަށް ހުށަހެޅި މައްސަލަ އެމްޓީސީ އާއި ދެކޮޅަށް ޙުކުމްކޮށް ނިންމައިފިއެވެ.

އެމްޓީސީސީން ސުޕްރީމް ކޯޓަށް ހުށަހެޅި ދުސްތޫރީ މައްސަލަގައި އެކުންފުނިން ބުނެފައިވަނީ އ މައުލޫމާތު ހޯދުމާއި ލިބިގަތުމުގެ ގާނޫނުގެ ދަށުން ކުންފުނިތަކުން މައުލޫމާތު ދޭން ޖެހޭ ކަމަށް ބަޔާންކޮށްފައި އޮންނަ އޮތުމަކީ ގާނޫނާއި ޚިލާފު ކަމެކެވެ.

އެމްޓީސީސީ އިން އެ ގަވާއިދުގެ 61 ވަނަ މާއްދާގައި ބަޔާންކޮށްފައިވާ އެ ބައި ބާތިލް ކުރުމަށް ހައި ކޯޓަށް ހުށަހެޅުމުން ހައިކޯޓުން ވަނީ އެމްޓީސީސީ އާއި ދެކޮޅަށް ޙުކުމް ކޮށްފައެވެ. އެމްޓީސީސީ ހައިކޯޓުގެ ނިންމުން ސުޕްރީމް ކޯޓުގައި އިސްތިއުނާފު ކުރުމުން ސުޕްރީމް ކޯޓުން ޙުކުމް ކޮށްފައިވަނީ ހައިކޯޓުގެ ނިންމުން ބަދަލު ކުރަން ނުޖެހޭ ކަމަށާއި ސަރުކާރުގެ ކުންފުނިތަކުގެ މައްޗަށް މައުލޫމާތު ހޯދައި ލިބިގަތުމުގެ ހައްގުގެ ގާނޫނުގައި ކަނޑައަޅާފައިވާ އުސޫލުތައް ހިންގާނެ ކަމަށެވެ.

Advertisement

އެމްޓީސީސީ އިން ވަނީ ދައުލާތުގެ އިދާރާތައް 'މާނަކޮށްފައިވާ' ފުޅާ ދާއިރާއެއްގައި ގަވާއިދުގައި 'މާނަކޮށްފައިވާ' ކަމަށާއި އެ ގޮތަށް މާނަ ކުރުމުގެ ބާރެއް އިންފޮމޭޝަން ކޮމިޝަނަށް ލިބިގެންނުވާ ކަމަށް އެމްޓީސީސީ އިން ބުނެފައިވާ ބުނުމަށް ބުނެފައެވެ.

ސުޕްރީމް ކޯޓުން ކޮށްފައިވާ ޙުކުމްގައި ބުނެފައިވަނީ ގާނޫނުގެ އެ މާއްދާގައި ބަޔާންކުރާ ތަންތަނުގެ ތެރޭގައި ދައުލަތުން މަސްއޫލިއްޔަތެއް ނުވަތަ ޒިންމާއެއް ހަވާލުކޮށްފައިވާ ކޮންމެ ތަނަކާ، ދައުލަތުގެ ބަޖެޓު ނުވަތަ ބަޖެޓުން އެހީއެއް ލިބިދޭ ކޮންމެ ތަނެއް ހިމެނޭ ކަން އެނގެން އެބަ އޮތް ކަމަށެވެ. އަދި އަދި ސަރުކާރު ހިއްސާވާ ގޮތަށް އުފައްދާފައިވާ ގިނަ ކުންފުނިތަކަކީ ދައުލަތުން ރައްޔިތުންނަށް ފޯރުކޮށްދޭން ޖެހޭ ބައެއް އަސާސީ ހިދުމަތްތައް ރައްޔިތުންނަށް ތަކުލީފަކަށް ނުވާ ގޮތަށް ފޯރުކޮށްދިނުމުގެ މަގުސަދުގައި އުފައްދާފައިވާ ކުންފުނިތަކެއް ކަމަށެވެ.

މިއާއިއެކު ސުޕްރީމް ކޯޓުން ޙުކުމް ކޮށްފައިވަނީ އިންފޮމޭޝަން ކޮމިޝަނަށް، ދައުލަތުގެ މަސްއޫލިއްޔަތެއް އުފުލާ ތަންތަނާ، ބަޖެޓު ލިބިދޭ ތަންތަނާ، ބަޖެޓުން އެހީ ލިބިދޭ ތަންތަނުގެ ތެރޭގައި ހިމެނޭ ތަންތަން ލިސްޓުކޮށް އެ ކޮމިޝަނުން އެކުލަވާލާ ގަވާއިދެއްގައި ހިމެނުމަކީ ކުރެވޭނެ ކަމެއް ކަމަށެވެ.