ރާއްޖެ ސައިބަ ސެކިއުރިޓީ އަދު ޑިފެންސް ދާއިރާއިން ކުރިއެރުވުމަށްޓަކައި ބޭއްވި މަޝްވަރާ ބައްދަލުވުމުގައި ރާއްޖޭގެ ދިފާއީ ވުޒާރާގެ ޑެޕިޔުޓީ މިނިސްޓަރ މިޒްނާ އަލީ އާއި އެމެރިކާގެ ސެކެރެޓަރީ ބިއުރޯ އޮފް ސައިބާ ސްޕޭސް އެންޑް ޑިޖިޓަލް ޕޮލިސީގެ ޕްރިންސިޕަލް ޑެޕިޔުޓީ އެސިސްޓެންޓް ޖެނިފާ ބަޗުސް އާއި އެމެރިކާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ހޫގޯ ޔޮން ވަނީ ބައިވެރިވެ ވަޑައިގެންފައެވެ.

މިމަޝްވަރާ ބައްދަލުވުމާއި ބެހޭ ގޮތުން މައުލޫމާތު ހިއްސާ ކުރައްވަމުން ދިފާއީ ވުޒާރާއިން ވިދާޅުވީ، ސައިބާ ޑިފެންސް ދާއިރާއިން ރާއްޖޭގެ ގާބިލްކަން އިތުރު ކުރުމާއި، ސައިބާ ސެކިއުރިޓީގެ ދާއިރާ ކުރިއެރުވުމަށް ކުރިއަށް އޮތްތަނުގައި ގައުމީ ސިޔާސަތުތައް ކަނޑައެޅުމާއި ގުޅޭގޮތުން މަޝްވަރާ ކުރެވުނު ކަމަށެވެ.

މީގެ އިތުރުން މިދާއިރާގައި އަންހެނުން ބައިވެރިކުރުމާއި ގުޅޭގޮތުންނާއި އަންހެނުންނަށް އިތުރު ފުރުސަތުތައް ހޯދުމުގެ މުހިންމުކަމުގެ މައްޗަށް މަޝްވަރާ ކުރެވުނު ކަމަށް ވެސް އެވުޒާރާއިން ބުނެފައިވެއެވެ.

Advertisement