ރާއްޖެ އައި ނޭޕަލް ފަތުރުވެރިއަކު މަސްތުވާތަކެތި ރާއްޖެއަށް އެތެރެކޮށް ޓްރެފިކް ކުރުމުގެ ކުށުގައި ހައްޔަރުކޮށްފިއެވެ.

އޭނާއާ ގުޅޭ ބަންދު އަމުރުގައި ބަޔާންކޮށްފައިވާ ގޮތުގައި ކޯޓު އަމުރެއްގެ ދަށުން އެނާ އުޅޭ ކޮޓަރު ބަލާ ފާސް ކުރުމުން މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި 36 ބުލެޓް ވަނީ ފެނިފައެވެ.

ބަންދު އަމުރުގައި ބުނެފައިވާ ގޮތުގައި އެކޮޓަރިން އޭނާ އާއި ގުޅުން ހުރި ލިޔެކިޔުންތައް ފެނިފައިވާ ކަމަށާއި އޭނާގެ އަތުން ސައިކަލެއްގެ ތަޅުދަނޑި ފެނުމުން އެސައިކަލު ބަލާ ފާސްކުރުމުން ސައިކަލުގެ މަޑި ދަށުން ކައްޓާއެއް ފެނިފައިވާ ކަމަށެވެ.

Advertisement

މީގެ އިތުރުން މި މައްސަލައާ ގުޅުން ހުރި އެހެން އެޕާޓްމެންޓަކުންވެސް މަސްތުވާތަކެތި ފެނިފައިވާ ކަމަށް ވެސް ބަންދު އަމުރުގައި ބުނެފައިވެއެވެ.

ޓއަރިސްޓް ވިސާގައި ރާއްޖެ އައި މިމީހާގެ ބަންދާއި މެދު ގޮތެއް ކަނޑައެޅުމަށް ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އޭނާގެ ބަންދަށް 15 ދުވަސް ޖަހާފައެވެ.