ހަޑި ހުތުރު ބަހުން ޝަރީއަތުގެ މަޖިލީހުގައި ވާހަކަދެއްކި މީހާ 30 ދުވަހަށް ޖަލަށް ލުމަށް ކްރިމިނަލް ކޯޓުން އަމުރުކޮށްފި އެވެ.  

ކޯޓުން އޭނާ ބަންދު ކުރުމަށް ނެރެފައިވާ ބަންދުގެ އަމުރުން ސާފުވާ ގޮތުގައި މިމައްސަލާއިގައި ހައްޔަރުކޮށްފައިވާ މީހާއަކީ ގދ. ތިނަދޫއަށް ނިސްބަތްވާ 29އ.ގެ އެ ފިރިހެނެކެވެ.

މަސްތުވާތަކެތީގެ ރެކޯޑް، ހައްޔަރާއި ބަންދު ލޮގް ގައި އޮންނަ މިމީހާ ހައްޔަރުކޮށްފައި ވަނީ މަސްތުވާތަކެތި ބޭނުންކޮށް ގެންގުޅެ އެ ތަކެތީގެ ވިޔަފާރި ކުރާ ކަމަށް ތުހުމަތު ކުރެވޭ މައްސަލައެއްގަ އެވެ.

Advertisement

އޭނާގެ ބަންދާއި މެދު ގޮތެއް ނިންމަމުން ކޯޓުން ބުނެފައިވަނީ އޭނާ ބަންދުން ދޫކޮށްލައިފިނަމަ މި ކުށް ތަކުރާރު ކުރުމުގެ ފުރުސަތު އޮތް ކަމަށް ބެލެވޭތީ އޭނާ ބަންދުގައި ބަހައްޓަން ޖެހޭ ކަމުގައެވެ.

ބަންދު އަމުރުން ސާފުވާ ގޮތުގައި ފުލުހުން ވަނީ އޭނާގެ މައްޗަށް ތުހުމަތު ކުރެވޭ ކުށަކީ ޖިނާއީ ބޮޑު ކުށެއް ކަމަށް ބުނެފައެވެ. އެހެންނަމަވެސް މިމައްސަލާގައި ހައްޔަތު ކޮށްފައިވާ މީހާ ވަނީ އޭނާގެ މައްޗަށް ކޮށްފައިވާ ތުހުމަތުތަކަށް އިންކާރު ކޮށްފައެވެ.

އެއަށްފަހު ޝަރީއަތުގެ މަޖިލީހުގައި ހަޑިހުތުރުބަހުން މުއާމަލާތް ކޮށް، ޝަރީއަތުގެ މަޖިލީހުގެ ނިޒާމާއި ހިލާފުވުމުން ޝަރީއަތުން ވަނީ އޭނާއަށް އެފަދައިން އަމަލު ނުކުރުމަށް ނަސޭހަތްތެރިވެފަ އެވެ.

ނަމަވެސް އޭނާ އެފަދައިން އަމަލު ނުކުރުމުން ޝަރީއަތުގެ ނިޒާމް ހިލާފުވެފައިވާތީ 30 ދުވަހުގެ މުއްދަތަކަށް އޭނާ ޖަލަށް ލުމަށް ކްރިމިނަލް ކޯޓުން ވަނީ އަމުރުކޮށްފައެވެ.