މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ދާއިރާތަކުގެ ބައި-އިލެކްޝަންގެ ވޯޓުލުން މާދަމާ އޮންނާނެ އެވެ.

އެމްޑީޕީގެ ރައީސް އަބްދުﷲ ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ދާއިރާތަކުގެ ބައި-އިލެކްޝަން މާދަމާ ކުރިޔަށްދާނެ ކަމަށެވެ. އަދި މާދަމާގެ އިންތިހާބުގައި އެމްޑީޕީގެ ހުރިހާ މެންބަރުން ބައިވެރިވެދެއްވުމަށް ޝާހިދު ވަނީ އެދިފައެވެ.

ބައި-އިލެކްޝަން ބޭއްވުމަށް ހަމަޖެހިފައި ވަނީ މާދަމާގެ މެންދުރުފަހު 2:30 އިން ފެށިގެން ރޭގަނޑު 9:00 އަށެވެ.

Advertisement

އެމްޑީޕީއަކީ އަބަދުވެސް އެތެރޭގެ ޑިމޮކްރަސީ އެންމެ ހަރުދަނާ ޕާޓީ ކަމަށާއި މެންބަރުންގެ ސީދާ ބަސް ޕާޓީ ހިންގުމަށް ބުނެވޭނެ ކަމަށް ޝާހިދު ވިދާޅުވިއެވެ.

"އެމްޑީޕީ އަކީ އަބަދުވެސް އެތެރޭގެ ޑިމޮކްރަސީ އެންމެ ހަރުދަނާ ޕާޓީ. މިއީ ޕާޓީ ހިންގުމުގައި މެމްބަރުންގެ ސީދާ ބަސް ބުނެވޭ، މެމްބަރުންނަށް ގޮތް ނިންމޭ ހަމައެކަނި ޕާޓީ." ޝާހިދު ވިދާޅުވިއެވެ.

އެމްޑީޕީގެ ބައިއިލެކްޝަންއަކީ އެ ޕާޓީގެ ގައުމީ މަޖިލީހުގައި ހުސްވެފައިވާ ދާއިރާގެ މަގާމުތަކަށް ފަރާތްތައް އިންތިހާބު ކުރުމަށް ބާއްވާ އިންތިހާބެކެވެ.

މާދަމާ ބެއްވުމަށް ހަމަޖެހިފައިވާ އިންތިހާބުގައި ސިޓީތަކަށްވެސް ރައީސުން އިންތިހާބުކުރާނެ އެވެ. އެގޮތުން މާލެސިޓީ އާއި ތިނަދޫ ސިޓީގެ ރައީސް އިންތިހާބު ކުރާނެއެވެ.