ކުޑަކުދިންގެ ހާއްސަ ބޭސް 'އެލެގްރާ ސަސްޕެންޝަން' ރާއްޖެ އެތެރެކޮށް ވިއްކުން މަނާކޮށްފިއެވެ.

މޯލްޑިވްސް ފުޑް އެންޑް ޑްރަގް އޮތޯރިޓީން (އެމްއެފްޑީއޭ) އިން އާންމުކޮށްފައިވާ އިއުލާނެއްގައި ވަނީ އެލެގްރާ ބޭހުގެ ތިން ބެޗަކުން ކޮލިޓީ މައްސަލަތަކެއް ދިމާވެފައިވާކަމަށް އެ ބޭސް އުފެއްދި ކުންފުނިން އެލާޓްކޮށްފައިވާ ކަމަށެވެ. އަދި އެހެންކަމުން އެތިން ބެޗު ރާއްޖެ އެތެރެކުރުމާއި ވިއްކުމާއި ބޭނުންކުރުމަކީ މަނާކަމެއް ކަމަށް އެމްއެފްޑީއޭ އިން ވަނީ ބުނެފައެވެ.

އެއޮތޯރިޓީން ހާމަކޮށްފައިވާ ގޮތުގައި މައްސަލަ ޖެހިގެން އުޅޭ ތިން ބެޗަކީ AL1223019, AL1223029, AL1223060 އެވެ.

Advertisement

ސަނޮފީ އިންޑިއާ ލިމިޓެޑުން އުފައްދާ އެބޭސްތައް އެއްވެސް ފާމަސީއެއް ނުވަތަ ބޭސް ގުދަނެއް ނުވަތަ ސިއްހީ ހިދުމަތްދޭ ތަނެއްގައި ހުރި ކަމުގައިވާ ނަމަ އެކަން އެއޮތޯރިޓީއަށް އެންގުމަށް އެމްއެފްޑީއޭ އިން ވަނީ އެދިފައެވެ.