މިއަދުން ފެށިގެން އާރްޓީއެލްގެ ދަތުރުތައް ފަރެސްމާތޯޑާއަށް ވެސް ކުރާނެއެވެ.

ރާއްޖެ ޓްރާންސްޕޯޓް ލިންކު (އާރުޓީއެލް) އިން ދެކުނު ހިނގަމުންދާ ފެރީގެ ހިދުމަތަށް ފަރެސްމާތޮޑާ އިތުރުކޮށް، މިއަދުން ފެށިގެން ދަތުރުތައް ފެށުމަށް ހަމަޖައްސައިފި އެވެ.  

އާރުޓީއެލް ފެރީ ހިދުމަތުގައި ހިމެނޭ ޒޯން 5 (ހުވަދޫ އަތޮޅު) އަދި ޒޯން 6 (އައްޑޫ ސިޓީ/ފުވައްމުލައް ސިޓީ) ގުޅުވައިދޭ ފުވައްމުލައް - ވާދޫ ރޫޓަށް މިއަދުން ފެށިގެން ފަރެސްމާތޮޑާ އިތުރުކުރަން ނިންމާފައިވާ ކަމަށް އެމްޓީސީސީ އިން ވަނީ ބުނެފަ އެވެ.

Advertisement

އެމްޓީސީސީ އިން ހާމަކޮށްފައިވާ ގޮތުގައި މިބަދަލު ގެނެސްފައި ވަނީ ކަސްޓަމަރުންގެ ހިޔާލާ މަޝްވަރާއާއި އެކު  މި ޒޯންގެ ހިދުމަތް އިތުރަށް ރަނގަޅު ކުރުމަށެވެ.

ރާއްޖެގެ އެންމެ ދެކުނުގައިވާ 4 އަތޮޅު ގުޅާލުމުގެ ގޮތުން އާރުޓީއެލް އިން ދެކުނުގެ އަތޮޅުތަކަށް ފެރީ ފަށާފައިވަނީ ހުސްވި އަހަރުގެ އޮގަސްޓްމަހުގެ ތެރޭގައެވެ.