މާލޭގެ ގެއެއްގެ އެޕާޓްމެންޓަކަށް ވަދެ 26،000 އަށްވުރެ ގިނަ ރުފިޔާ ފޭރުނު މީހަކު ފުލުހުން ހައްޔަރުކޮށްފިއެވެ.

ފުލުހުން ހާމަކޮށްފައިވާ ގޮތުގައި މިއަދުގެ ވަގުތެއްގައި މާލޭގެ އެޕާޓްމެންޓަކަށް ވަދެ ފައިސާތަކެއް ފޭރުނު ކަމުގެ ތުހުމަތުގައި މާލެ މ. ދިންމަނަގެ އަބްދުﷲ ތިލްމީޒް ހައްޔަރުކޮށްފައިވާ ކަމަށެވެ.

ފުލުހުން ވިދާޅުވީ އެއާޕާޓްމެންޓުން އޭނާ ވަނީ 26،690ރ. ފޭރިފައެވެ. އެހެންނަމަވެސް ފުލުހުން ވަނީ މިހާރު އެފައިސާ ހޯދާ އޭގެ ވެރިފަރާތަށް އެފައިސާ ރައްދު ކޮށްފައި ކަމަށް ވެސް ފުލުހުން ވަނީ ބުނެފައެވެ.

Advertisement

މީގެ އިތުރުން ފުލުހުން ވަނީ މިމައްސަލާގައި ހައްޔަރުކޮށްފައިވާ  މ. ދިންމަނަގެ އަބްދުﷲ ތިލްމީޒްގެ ވަނަވަރު ވެސް އާންމުކޮށްފައެވެ.