ނޮވެމްބަރު މަހު ބާއްވާ ރިޔާސީ އިންތިހާބުގައި އެމެރިކާގެ ނައިބު ރައީސް ކަމާލާ ހެރިސްގެ ރަނިންމޭޓަކަށް މިނިސޯޓާގެ ގަވަރުނަރު ޓިމް ވޯލްޒް ހަމަޖައްސައިފި އެވެ.

ކަމާލާގެ ނިންމުން ސޯޝަލް މީޑިއާގައި އިއުލާން ކުރީ މިދިޔަ އަންގާރަ ދުވަހު އެވެ. އެކަމަނާ ވިދާޅުވީ "ގަވަރުނަރެއްގެ ގޮތުގައި، ކޯޗެއްގެ ގޮތުގައި، ޓީޗަރެއްގެ ގޮތުގައި، އަދި ވެޓެރަންއެއްގެ ގޮތުގައި އޭނާ ކޮށްދީފައިވާ ހިދުމަތްތަށް އެތަކެއް އާއިލާތަކަށް ލިބިފައިވާ" ކަމަށެވެ. އަދި އޭނާ ބުނީ ޓީމުގައި އޭނާ ހުރުމަކީ ވަރަށް ބޮޑު އުފަލެއް ކަމަށެވެ.

ޓިމް ވަނީ ސޯޝަލް މީޑިއާގައި ވެސް މެސެޖެއް އާންމުކޮށްފަ އެވެ. އޭނާ ސިފަކުރެއްވި ގޮތުގައި ކަމާލާގެ ކެމްޕޭންގައި ބައިވެރިވުމުގެ ފުރުސަތު ލިބުމަކީ "އުމުރު ދުވަހުގެ ޝަރަފެއް" ކަމުގައެވެ.

Advertisement

މި ދެ ބޭފުޅުން ރާވާފައި ވަނީ އަންގާރަ ދުވަހުން ފެށިގެން ހޮނިހިރު ދުވަހުގެ ނިޔަލަށް އެންމެ ބޮޑެތި ސްޓޭޓްތަކުގައި ކެމްޕޭން ޖަލްސާތައް ބޭއްވުމަށެވެ.

ޓިމްގެ އުމުރަކީ 60 އަހަރެވެ. ނޭޝަނަލް ގާޑްގައި 24 އަހަރު ޚިދުމަތް ކުރެއްވުމަށްފަހު ހައި ސްކޫލެއްގައި ކިޔަވައިދެއްވުމަށްފަހު، މަޖިލީހުގެ މެންބަރަކަށް ވެވަޑައިގެންނެވިއެވެ. އޭނާގެ ގޮނޑި 12 އަހަރު ވަންދެން ހިފަހައްޓާފައިވެ އެވެ.

ދެވަނަ ދައުރެއް ފުރިހަމަ ކުރަމުންދާއިރު، މިޑްވެސްޓަން ސްޓޭޓްގެ ގަވަރުނަރުގެ މަގާމަށް އިންތިހާބްވެ ވަޑައިގަތީ 2019 ވަނަ އަހަރު އެވެ.