ޗައިނާއިން ޑޭޓާ ޓްރާންސްމިޓް ކުރުމަށް ސެޓެލައިޓް ނެޓްވޯކެއް ތައާރަފްކޮށްފި އެވެ. މި މަސައްކަތުގެ ސަބަބުން އެމެރިކާގެ ސެޓެލައިޓް މުވާސަލާތީ ނެޓްވޯކް ސްޓާލިންކްގެ އަމިއްލަ ވަރޝަނެއް އެގައުމަށް ލިބިގެންދާނެ އެވެ.

ޝަންޝީ ޕްރޮވިންސްގެ ޓައިޔުއަން ސެޓެލައިޓް ލޯންޗް ސެންޓަރުން މި ސެޓްލައިޓް ރޮކެޓް ފޮނުވާލިކަން ޗައިނާ ސެންޓްރަލް ޓެލެވިޜަނުން ވަނީ ރިޕޯޓްކޮށްފައެވެ. އެގޮތުން މި ޑިވައިސްތައް ތަރައްގީކުރީ ދައުލަތުގެ ކުންފުންޏަކުން ކަމަށް ބުނެފައިވެ އެވެ.

އެ ކުންފުނިން ބުނެފައި ވަނީ އެ ނެޓްވޯކަކީ ބްރޯޑްބޭންޑް އިންޓަނެޓްގެ ހިދުމަތް ދިނުމަށް "ސްޕޭސްސޭލް ކޮންސްޓެލޭޝަން" ޕްލޭންގެ ފުރަތަމަ ފިޔަވަހީގެ ދަށުން ހިންގާ ޕްލޭން ކަމަށެވެ. މި މަޝްރޫއުގެ ދަށުން 2030 ވަނަ އަހަރު ނިމޭއިރު 10،000 އަށް ވުރެ ގިނަ ސެޓެލައިޓް ފޮނުވާލެވޭނެ އެވެ.

Advertisement

އެމެރިކާގައި ހުންނަ ސްޕޭސްއެކްސް އިން ފޯރުކޮށްދޭ ސްޓާލިންކް ނެޓްވޯކުން މިހާރު ވެސް އަންނަނީ ފުޅާދާއިރާއެއްގައި އިންޓަނެޓްގެ ހިދުމަތް ދެމުންނެވެ. ރިޕޯޓްތައް ބުނާ ގޮތުގައި ރަޝިޔާ އަދި ޔޫކްރޭންގެ ހަނގުރާމާގައި ޔޫކްރޭންގެ އަސްކަރިއްޔާއިން ޑްރޯންތަކާއި ހަނގުރާމައިގެ މައިދާނުގައި އެހެނިހެން މުއާމަލާތްތައް ބޭނުންކުރުމުގައި އެ ނެޓްވޯކުން ވަރަށް މުހިންމު ދައުރެއް އަދާކޮށްދީފައިވެ އެވެ.

ޗައިނާގެ ސެޓެލައިޓް ނެޓްވޯކް އަސްކަރީ ބޭނުންތަކަށް ބޭނުން ކުރުމަށް ވެސް އަމާޒު ހިފާފާނެ އެވެ.