ބޭސްފަރުވާއަށް މާލެ އައިސް އުޅުން އުމުރުން ދުވަސްވީ މީހަކު ކުއްޔަށް އުޅުނު ކޮޓަރިއަށް ވަދެ، ފޯނާއި ފައިސާ ފޭރިގަތް މައްސަލައެއް ބަލަން ފަށައިފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ 62 އަހަރުގެ ފިރިހެނަކު މާލެ އައިސް އޭނާ ހުރި ކޮޓަރިއަށް ދެމީހަކު ވަދެ، ވަޅިން ބިރު ދައްކައި، އެމީހާގެ ފޯނާއި ފައިސާ ފޭރުނު މައްސަލައެއް ފުލުހުންނަށް ހުށަހަޅާފައިވާ ކަމަށެވެ.

މިމައްސަލަ އާއި ގުޅިގެން އަދި މިހާތަނަށް މީހަކު ހައްޔަރުކޮށްފައި ނުވާ ކަމަށް ފުލުހުން ބުނެފައިވެއެވެ. އެހެންނަމަވެސް މިމައްސަލަ ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފައެވެ.

Advertisement