ލޭބާ ރިލޭޝަންސް އޮތޯރިޓީ ހޯމް މިނިސްޓްރީގެ ދަށުން ހިންގާ ގޮތަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ހަމަޖައްސަވައިފިއެވެ.

ގާނޫނުއަސާސީގެ 116 ވަނަ މާއްދާއިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިހްތިޔާރުގެ ދަށުން ރައީސުލްޖުމްހޫރިއްޔާ މިނިންމުން ނިންމަވާ، މި މަހުގެ 6 ވަނަ ދުވަހުން ފެށިގެން ލޭބާ ރިލޭޝަންސް އޮތޯރިޓީއަކީ ހޯމް މިނިސްޓްރީގެ ދަށުން ހިނގާ ތަނެއްގެ ގޮތުގައި ވަނީ ހަމަޖައްސަވާފައެވެ.

ރައީސް އޮފީހުން ނެރުނު ދެންނެވުމެއްގައި މިކަން އިއުލާންކޮށް ރައީސް އޮފީހުން ބުނެފައި ވަނީ މިގޮތަށް ރައީސް ހަމަޖެއްސެވީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމާ ގުޅޭގޮތުން ވަޒީރުންގެ މަޖިލީހުގައި މަޝްވަރާ ކުރެއްވުމަށްފަހުގައި ކަމަށާއި  ވަޒީރުންގެ މަޖިލީހުން ވެސް ވަނީ އެގޮތަށް ހަމަޖެއްސުމަށް ލަފާދީފައި ކަމަށެވެ.

Advertisement

މީގެ ކުރިން ލޭބާ ރިލޭޝަންސް އޮތޯރިޓީ ހިނގަމުން އައިސްފައި ވަނީ މިނިސްޓްރީ އޮފް ހަޔާ އެޑިޔުކޭޝަން، ލޭބާ އެންޑް ސްކިލްސް ޑިވެލޮޕްމަންޓްގެ ދަށުންނެވެ.