ބަންގްލަދޭޝްގެ ވަގުތީ ސަރުކާރުގެ ޗީފް އެޑްވައިޒަރުގެ މަޤާމަށް ޑޮކްޓަރ މުޙައްމަދު ޔޫނުސް އައްޔަންކުރުމާ ގުޅިގެން އެމަނިކުފާނަށް ރައީސް ޑރ. މުޢިއްޒު ތަހުނިޔާ ވިދާޅުވެއްޖެ އެވެ.

މިރޭ އެކްސްގައި ކުރެއްވި ޕޯސްޓެއްގައި ރައީސް ޑރ. މުޢިއްޒު ވަނީ ދިވެހިރާއްޖެއާ ބަންގްލަދޭޝްއާ ދެމެދު އޮންނަ ޒަމާންވީ ގާތްގުޅުމާއި އެކުވެރިކަން ފާހަގަކުރައްވާ، ޑޮކްޓަރ މުޙައްމަދު ޔޫނުސްއަށް ތަހުނިޔާ ދަންނަވާފައެވެ.

މީގެއިތުރުން، ދިވެހިރާއްޖެއާ ބަންގްލަދޭޝްއާ ދެމެދު އޮންނަ ޒަމާންވީ ގާތްގުޅުމާއި އެކުވެރިކަން ފާހަގަކުރައްވާ، ބަންގްލަދޭޝްގެ ވަގުތީ ސަރުކާރުގެ ޗީފް އެޑްވައިޒަރުގެ ލީޑަރޝިޕްގެ ދަށުން ބަންގްލަދޭޝްގެ ރައްޔިތުންގެ މެދުގައި ސުލްޙަމަސަލަސްކަމާއި އެއްބައިވަންތަކަން އާލާވެ، ފާގަތިކަން ލިބިގެންދިއުމަށް އެދިވަޑައިގަންނަވާކަމަށް ރައީސް ވަނީ  ވިދާޅުވެފައެވެ.

Advertisement

ދިވެހިރާއްޖެއާ ބަންގްލަދޭޝްއާ ދެމެދު ސިޔާސީގުޅުން ޤާއިމުކޮށްފައި ވަނީ 22 ސެޕްޓެންބަރު 1978 ގައެވެ.