ފުލުހުން ބަލަމުންދާ މައްސަލައެއްގެ ތަހުގީގަށް އަންހެނަކު ހޯދަން ފަށައިފިއެވެ.

މިއީ ފުވައްމުލައް ސިޓީ ޕޮލިސް ސްޓޭޝަނުން ތަހުގީގު ކުރަމުންދާ މައްސަލައަކާއި ގުޅިގެން ހޯދާ މީހެކެވެ. އޭނާ ހޯދަނީ މަކަރާއި ހީލަތުގެ މައްސަލައެއްގެ ތަހުގީގަށެވެ.

ފުލުހުން ބުނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް މ. ގޯބިލިގަސްދޮށުގެ، ސަލީމާ ސަލީމަށް އަންގައި އިއުލާނުކުރާ ކަމަށެވެ.

Advertisement

އުމުރުން 52 އަހަރުގެ ސަލިމާ ހާޒިރުވާންޖެހެނީ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގ، އަށް އޮގަސްޓް 20 ވަނަ ދުވަހުގެ 10 ޖަހާއިރަށެވެ.