ކެންސަރު ޖެހިގެން ކަމަށް ބުނެ އޮޅުވާލައިގެން ގިނަ އަދަދެއްގެ ފައިސާ ހޯދި މީހެއްގެ ގޭދޮށަށް އެއްވެގެން ބަޔަކު މުޒާހަރާ ކުރަން ފަށައިފި އެވެ.

ތުހުމަތުކޮށްފައިވާ މީހާގެ ގޭދޮށުގައި މުޒާހަރާ ކުރާ ފަރާތްތަކުން ދިޔައީ ޓިކްޓޮކްގައި މުޒާހަރާ ލައިވް ކުރަމުންނެވެ.

މިކަމާއި ގުޅިގެން ފުލުހުން ބުނެފައި ވަނީ ގ. އަސްޑާ ކެފޭ ހުންނަ ހިސާބުގައި މިރޭ ބަޔަކު އަޑުއުފުލަމުންދާ ކަމުގެ މައުލޫމާތު ފުލުހުންނަށް ލިބިގެން ފުލުހުން އެތަނަށް ގޮސްފައިވާ ކަމަށާއި އެމައްސަލަ އާއި ގުޅިގެން ބަލަން ޖެހޭ ކަންކަން ފުލުހުން ދަނީ މިހާރު ބަލަމުން ކަމަށެވެ.

Advertisement

ޓިކްޓޮކްގައި އެމުޒާހަރާ ލައިވް ކުރި ފަރާތުން ބުނެފައިވާ ގޮތުގައި މިކަން ހިނގާފައިވަނީ އޮޅުވާލައިގެން ފައިސާ ހޯދި އަންހެން މީހާއާއި ގާތް ގުޅުމެއް ބޭއްވި ފިރިހެނަކަށް ކަމަށެވެ. އެ އަންހެން މީހާ އަކީ ކައިވެނި ކޮށްގެން އުޅޭ މީހެއް ކަމަށާއި އެ އަންހެން މީހާ ވަނީ އެ ފިރެހެން މީހާގެ އަތުން 000'300  ރުފިޔާ އޮޅުވާލައިގެން ހޯދާފައި ކަމަށެވެ.

އޭނާ ބުނެފައިވާ ގޮތުގައި ފައިސާ ހޯދި ފަރާތުން ފައިސާ ޖަމާކޮށްފައިވަނީ އޭނާގެ ކޮއްކޮ އަދި ފިރިމީހާގެ އެކައުންޓަށެވެ.