ސްކޫލަކަށް ވަދެ، އަޑުގަދަކޮށް ޓީޗަރުންނަށް ބިރުދެއްކިކަމުގެ ތުހުމަތުގައި ހުސްވި ހަފްތާ ހައްޔަރުކުރި މީހާގެ ބަންދަށް ކްރިމިނަލް ކޯޓުން 30 ދުވަސް ޖަހައިފި އެވެ.

އޭނާ ހައްޔަރުކޮށްފައި ވަނީ ހުސްވި ހަފްތާގެ އަންގާރަ ދުވަހު މާލޭގެ ސްކޫލަކަށް ވަދެ، ޓިޗަރުންނަށް ބިރުދެއްކުމުންނެވެ.

މިހާދިސާ އާއި ގުޅިގެން ފުލުހުން ހައްޔަރުކޮށްފައިވާ 41 އަހަރުގެ ފިރިހެން މީހާގެ ބަންދުގެ އަމުރުގައި ބަޔާންކޮށްފައިވާ ގޮތުގައި އޭނާ އެ މީހާ ސްކޫލު ތެރެއަށް ވަދެ، ބައެއް ޓީޗަރުންނަށް ބިރުދެއްކި ކަމަށް އެ ސްކޫލުގައި މަސައްކަތްކުރާ ބައެއް މުވައްޒަފުން ވަނީ ހެކިބަސް ދީފައިވާ ކަމަށާއި ސްކޫލަށް ވަދެ އޭނާ އެއްވެސް މީހެއްގެ ގައިގައި އަތްލާފައެއް ނުވެއެވެ.

Advertisement

އޭނާ ސްކޫލަށް ވަދެ ސްކޫލުގައި ކިޔަވާ ދަރިވަރުންގެ ކުރިމަތީގައި ޓީޗަރުންނަށް ބިރުދައްކާފައިވާއިރު، މުއްތަހަމްއަކީ ބިރުދެއްކުމުގެ މައްސަލަތަކުގެ ކުށުގެ ރިކޯޑު އޮތް މީހެއްކަން މައްސަލަ ބެއްލެވި ކްރިމިނަލް ކޯޓުގެ ގާޟީ އިސްމާއިލް ޝަފީއު ވަނީ ފާހަގަ ކުރައްވާފައެވެ.