ކަސްޓަމްސް ކައިރި ގެއެއްގެ ދިހަވަނަ ބުރިން މީހަކު ވެއްޓި ނިޔާ ވެއްޖެ އެވެ.

ފުލުހުން ބުނެފައިވާ ގޮތުގައި ކަސްޓަމްސް ސަރަހައްދުގެ 10 ވަނަ ބުރިން މީހަކު ވެއްޓިފައިވާ ކަމަށް ފުލުހުން ވަނީ ބުނެފައެވެ. އަދި އައިޖީއެމްއެޗް ހޮސްޕިޓަލުގައި އޭނާއަށް ފަރުވާދެމުންދާ ކަމަށް ބުނެ، ފަހުން ވަނީ އޭނާ ނިޔާވެއްޖެ ކަމަށް ބުނެފަ އެވެ.

އައިޖީއެމްއެޗް ހޮސްޕިޓަލުން މައުލޫމާތު ދީފައިވާ ގޮތުގައި އޭނާ އޮތީ ހޮސްޕިޓަލަށް ގެނެވުނުއިރު ވެސް ނިޔާވެފަ އެވެ.

Advertisement

މިހާދިސާގައި ނިޔާވި މީހާއާއި ބެހޭ އެއްވެސް މައުލޫމާތެއް ފުލުހުން އަދި މިހާތަނަށް ހާމަކޮށްފައެއް ނުވެއެވެ. އަދި އޭނާއަކީ ދިވެއްސެއް ކަމައް ނުވަތަ ބިދޭސީއެއް ކަމެއް ހާމަކޮށްފައި ނުވާއިރު، އޭނާ ފުންމާލީ ކަމަށް ސޯޝަލް މީޑިއާގައި ދެކެވޭ ވާހަކަތަކަށް ވެސް އެއްވެސް އިދާރާއަކުން ބަހެއް ބުނެފައެއް ނުވެއެވެ.