ނުގަވާއިދުން އުޅޭ ބިދޭސީންގެ މައްސަލަ ރިޕޯޓް ކުރުމަށް އިމިގްރޭޝަނުން ގާއިމް ކޮށްފައިވާ "އިމިގްރޭޝަން ވޮޗް" އަށް ލިބުނު މައުލޫމަތަކާ ގުޅިގެން ގ. ހީނާމާގެ ޕާކިން ސަރަހައްދުން ރެއިޑްކޮށް 14 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

އިމިގްރޭޝަނުން ހާމަކޮށްފައިވާ ގޮތުގައި އިއްޔެ ހެނދުނު ހިނގި މިރެއިޑް އޮޕަރޭޝަންގައި ގ. ހީނާމާގެ ޕާކިން ސަރަހައްދުން ބަލައި ފާސްކުރެވުނު ބިދޭސީންގެ ތެރެއިން، ރާއްޖޭގައި މަސައްކަތް ކުރުމުގެ ހުއްދަ ނެތް 14 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ.

އިމިގްރޭޝަނުން ވަނީ ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ރައްޔިތުން ދޭ އެއްބާރުލުމަށް ޝުކުރުއަދާކުރުމަށް، ކުރިއަށް އޮތް ތަނުގައިވެސް މިފަދަ މައްސަލަތައް "އިމިގްރޭޝަން ވޮޗް" މެދުވެރިކޮށް ރިޕޯޓު ކުރަމުން އެދިފައެވެ.

Advertisement

އިމިގްރޭޝަން ވޮޗް އަކީ މިދިޔަ މަހުގެ ޖުލައި މަހުގައި ގަވާއިދާއި ޚިލާފަށް ރާއްޖޭގައި އުޅޭ ބިދޭސީންގެ މައްސަލަ ހައްލު ކުރުމަށް އިމިގްރޭޝަނުން ގާއިމްކޮށްފައިވާ ޕްލެޓްފޯމެކެވެ.