ރާއްޖެއަށް ކުރަމުންދާ ހުޅަނގު މޫސުމުގެ ވިއްސާރާއިގެ ސަބަބުން ލިބުނު ގެއްލުމުގެ ސަބަބުން ވަގުތީ ހިޔާއަށް ބަދަލުކުރި އާއިލާތަކުގެ ތެރެއިން މިހާރު ވަގުތީ ހިޔާގައި ތިބީ ދެއާއިލާއެއް ކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީގެ ޗީފް އެގްޒެކެޓިވް ހިސާން ހަސަން ވިދާޅުވެއްޖެއެވެ.

ހުސްވި ހަފްތާގައި ރާއްޖެއަށް ކުރި ވިއްސާރައިގައި ދިރިނޫޅެވޭ ވަރަށް ގެއްލުންވި 5 ގޭބިސީއަކަށް ވަގުތީ އެހީތެރިކަން ފޯރުކޮށްދީފައިވާ ކަމަށް ޕީއެސްއެމް ނިއުސްގެ ރާއްޖެމިއަދު ޕްރޮގްރާމްގައި ވާހަކަދައްކަވަމުން ހިސާން ވަނީ ވިދާޅުވެފަ އެވެ.

ހިސާން ވިދާޅުވީ އޭގެ ތެރެއިން 2 ގެބީސީއެއްގެ 10 މީހުން އަދިވެސް އުޅެމުން އަންނަނީ ވަގުތީ ހިޔާގައި ކަމަށާއި، އާންމު ހާލަތަށް އައުމުން އެމީހުން އާންމު ދިރިއުޅުމަށް ރުޖޫއަ ކުރެވޭނެ ކަމަށެވެ.

Advertisement

އެންޑީއެމްއޭއިން މިހާރު ދަނީ ވިއްސާރައިގެ ސަބަބުން ލިބުނު ގެއްލުންތައް ދެނެގަތުމަށް އެސެސްމަންޓު ހެދުމުގެ މަސައްކަތް ކުރަމުންނެވެ.