ރާއްޖޭގެ ހާޒިޖީ ވަޒީރު ސައުދީ އަރަބިއްޔާއަށް ކުރައްވާ ދަތުރުފުޅުގެ ތެރެއިން ސައޫދީ އަރަބިއްޔާގެ މަރުކަޒީ ބޭންކުގެ ގަވަރުނަރު އައިމަން އަލް ސަޔާރީއާ ބައްދަލުކުރައްވައި، ރާއްޖޭގެ އިގްތިސާދީ ހާލަތާއި ގުޅޭގޮތުން މައުލޫމާތު ހިއްސާ ކުރައްވައިފިއެވެ.

ހާރިޖީ ވަޒީރު މޫސާ ޒަމީރު ސައުދީ އަށް ވަޑައިގެންނެވީ  މީގެ ދެ ދުވަސް ކުރިން އެގައުމުގެ ހާރިޖީ ވަޒީރު ޕްރިންސް ފައިސަލް ބިން ފަރްހާން އަލީގެ ދައުވަތަކަށެވެ.

މިދަތުރުފުޅުގައި ވަޒީރު ވަނީ މިއަދު ސައުދީ އަރަބިއްޔާގެ މަރުކަޒީ ބޭންކުގެ ގަވަރުނަރާއި ބައްދަލު ކުރައްވައި ރާއްޖޭގެ އިގްތިސާދީ ހާލަތާއި، ފަތުރުވެރިކަމުގެ ސިނާއަތުގެ ކުރިއެރުވުމާއި ގުޅޭގޮތުންނާއި އިންވެސްޓްމަންޓް ފުރުސަތުތަކާ ގުޅޭ މައުލޫމާތު ގަވަރުނަރާއި ހިއްސާ ކުރައްވާފައެވެ.

Advertisement

މީގެއިތުރުން، ވަޒީރު ވަނީ ސައުދީގެ ހާރިޖީ ވަޒީރާ ބައްދަލު ކުރައްވާ ދެގައުމުގެ ދެމެދުގައި އޮތް ޒަމާންވީ ގުޅުމާއި، ދެގައުމުގެ މަސްލަހަތު ހިމެނޭ ދާއިރާތަކުން ކުރިއަށް އޮތްތަނުގައި ގުޅުން ބަދަހިކުރުމާއި ގުޅޭގޮތުންވެސް މަޝްވަރާ ކުރައްވާފަ އެވެ.

ރާއްޖެ އާއި ސައުދީ އަރަބިއްޔާ ސިޔާސީ ގުޅުމަށް މިއަހަރު 43 އަހަރު ފުރޭނެ އެވެ.