ކުއްލި ހާލަތްތަކުގައި  އެއް ނަބަރަކުން ރައްޔިތުންނަށް ހިދުމަތް ފޯރުކޮށްދީ އެހީވެދޭނެ ގައުމީ ހެލްޕް ލައިނެއް ގާއިމް ކުރުމަށް ކަމާގުޅުން ހުރި މުއައްސަސާތަކާއިއެކު މަޝްވަރާކުރައްވައިފިއެވެ.

ގައުމީ ހެލްޕް ލައިނެއް ގާއިމް ކުރުމަށް ބޭއްވި މަޝްވަރާ ބައްދަލުވުމުގައި ސިއްހީ ވަޒީރު ޑރ. އަބްދުﷲ ޚަލީލް އާއި ކޮމިޝަނަރ އޮފް ޕޮލިސް ޢަލީ ޝުޖާޢު އަދި ސިފައިންގެ އިސްވެރިންގެ އިތުރުން ފުލުހުންގެ އިސްވެރިން ވަނީ ބައިވެރިވެފަ އެވެ.

ރައްޔިތުންނަށް ދިމަވާ ކުއްލި ހާލަތްތަކުގައި ސަލާމަތާއި ރައްކާތެރިކަމުގެ ޚިދުމަތްތަކުން އެއް ނަންބަރަކުން ހިދުމަތާއި އެހީތެރިކަން ފޯރުކޮށްދިނުމަށްޓަކައި ގައުމީ ހެލްޕް ލައިނެއް ގާއިމްކުރުމަށް ސޯޝަލް ކައުންސިލަށް ހުށަހެޅުއްވީ ސިއްހަތާއި ބެހޭ ވުޒާރާއިންނެވެ.

Advertisement