ރައްޔިތުންގެ މަޖިލިހުގެ ފުނަދޫ ދާއިރާގެ ޕީއެންސީގެ މެމްބަރު މުހައްމަދު މަމްދޫހް (މަންޑޭ) އަވަހާރަކޮށްލަން ސިހުރު ހެދިކަމުގެ ތުހުމަތުގައި ދެމީހެއްގެ މައްޗަށް ދައުވާ ކުރުމަށް ޕްރޮސެކިއުޓަރ ޖެނެރަލް އޮފީހަށް ފޮނުވައިފިއެވެ.

މިމައްސަލަ އާއި ގުޅިގެން ފުލުހުންގެ މީޑިއާ އޮފިޝަލް ވިދާޅުވީ މެއި 3 ވަނަ ދުވަހު ހުށަހަޅާފައިވާ، ށ. ފުނަދޫގައި ސިހުރުހެދިކަމަށް ތުހުމަތުކުރެވޭ މައްސަލައިގެ ފުލުހުންގެ ތަހުގީގު ނިންމައި ދައުވާކުރުމަށް ޖުލައި ދެ ވަނަ ދުވަހު ޕީޖީއަށް ފޮނުވާފައިވާ ކަމަށެވެ.

ސިހުރު ހެދުމުން އެރަށު ރައްޔިތުން ވަނީ އެއްވެ އޭނާ ރަށުން ބޭލުމަށް އަޑު އުފުލާފަ

މިއަހަރުގެ މެއި މަހުގެ ތެރޭގައި ފެންމަތިވި މިމައްސަލާއިގައި އުމުރުން 60 އަހަރުގެ މީހަކު ވެސް ހައްޔަރު ކޮށްފައިވާއިރު، ފުލުހުން ދައުވާ ކުރުމަށް އެދި ޕީޖީ އޮފީހަށް ފޮނުވާފައި ވަނީ 60 އަހަރުގެ މީހަކާއި 36 އަހަރުގެ މީހެއްގެ މައްޗަށެވެ.

ފުނަދޫގައި ހަދާފައި ވަނީ ސިހުރު ކަމަށް ބެލެވޭއިރު، އެރަށުގެ ފަސް ގަހަކުން ވަނީ މަމްދޫހަށް ސިހުރު ހަދާ ޖަހާފައި ހުރި ލޮއި ކޮޅުތަކެއް ފެނިފައެވެ. އަދި ރުގްޔާ ކުރާ މީހުންގެ އެހީތެރިކަމާއެކު އެތަކެތި ހޯދާފައިވާއިރު، ސިހުރު ހަދާފައި ހުރި އިތުރު ގަސްތަކެއް ވެސް ހުންނާނެ ކަމަށް ރުގްޔާ ކުރާ މީހުން ބުނާ ކަމަށް މައުލޫމާތު އެނގޭ މީހަކު ބުނެފައިވެ އެވެ.

ސިހުރު ހަދާފައި ގަސްތަކުގައި ޖަހާފައި ހުރި އާލަތްތައް 

މައުލޫމާތު ލިބޭ ގޮތުގައި ސިހުރު ހެދި ކަމަށް ތުހުމަތުވާ މިހާގެ ގެ ބަލާފާސް ކުރުމުން އެގެއިން ސިހުރު ހަދަން ބޭނުން ކުރާ އާލާތްތައްވެސް ވަނީ ފެނިފަ އެވެ.