ޑޮނަލްޑް ޓްރަމްޕް އަވަހާރަކޮށްލުމަށް މިދިޔަ މަހު ދިން ހަމަލާއަށްފަހު ފުރަތަމަ ފަހަރަށް އައުޓްޑޯ ކެމްޕޭން ޖަލްސާއެއް ބާއްވައިފި އެވެ.

އެ ހާދިސާއާ ގުޅިގެން ޓްރަމްޕް ވަނީ ސަލާމަތީ ސަބަބުތަކަށްޓަކައި ބޭރުގައި ބާއްވާ އެއްވުންތައް ކެންސަލްކޮށްފަ އެވެ. އޭގެ ބަދަލުގައި އޭނާ ފެނިގެން ދިޔައީ އިންޑޯ އިވެންޓްތަކުންނެވެ.

އޭނާގެ ކެމްޕެއިން ޖަލްސާތައް ބޭރުގައި ބާއްވަން ބޭނުންވީ އެ ޖަލްސާތަކުގައި ގިނަ ބަޔަކު އެއްވެ ތިބެވޭތީ އެވެ.

Advertisement

ސީކްރެޓް ސާވިސްގެ ރުހުން ހޯދުމަށް ފަހު ބުދަ ދުވަހު އޭނާ ވަނީ ނޯތު ކެރޮލައިނާގެ އައުޓްޑޯ ވެނިއުއެއްގައި ސްޓޭޖުން ފެނިގެން ގޮސްފަ އެވެ.

އޭނާ ހުރީ ސަލާމަތީ ގޮތުން ވަރުގަދަ ރައްކާތެރިކަމުގެ ފިޔަވަޅުތަކުގެ ތެރެއިން ވަށައިގެންވާ ފުރާޅުތަކުގައި ސްނައިޕަރުންނާއި ބުލެޓްޕްރޫފް ބިއްލޫރި ފަހަތާއި ކުރިމަތީގައި ބަހައްޓައިގެންއެވެ.

ޓްރަމްޕް ވަނީ ބައިޑަންގެ ވެރިކަމަށް ފާޑުވިދާޅުވެ، ރައީސްކަމުގައި އޭނާ ހުރިނަމަ އިޒްރޭލަށް ދުވަހަކުވެސް ހަމަލާއެއް ނުދެވުނީސް ކަމަށް ވިދާޅުވެފައެވެ.

އަދި އޭގެ ކުރީ ދުވަހު ބޭއްވި ޑިމޮކްރެޓިކް ނޭޝަނަލް ކޮންވެންޝަންގައި ކުރީގެ ރައީސް ބަރަކް އޮބާމާ ދެއްކެވި ވާހަކަތަކަށް ވެސް އޭނާ އިޝާރާތް ކުރެއްވި އެވެ.

ޓްރަމްޕް މި ހަފްތާގައި ކެމްޕޭން ތަކުގައި އުޅުއްވާއިރު، ކޮންމެ ދުވަހަކު ވެސް އެންމެ ވަރުގަދަ ސްޓޭޓްތަކުގައި އެއްވުންތައް ބާއްވަ އެވެ.