ފުލުސް އޮފިސަރެއްގެ ގައިގައި ޖަހައި މާރާމާރީ ހިންގިކަމުގެ ތުހުމަތުގައި މީހަކު ހައްޔަރުކޮށްފި އެވެ.

އިއްޔެ ހިނގާފައިވާ މިހާދިސާގައި ފުލުހުން ހައްޔަރު ކޮށްފައި ވަނީ އުމުރުން 43 އަހަރުގެ މާލެއަށް ނިސްބަތްވާ ދިވެހި ފިރިހެނެކެވެ.

އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރު ކުރުމުން ކްރިމިނަލް ކޯޓުން ވަނީ އޭނާގެ ބަންދަށް 7 ދުވަސް ޖަހާފަ އެވެ.

Advertisement

ކްރިމިނަލް ކޯޓުން އާންމުކޮށްފައިވާ ކޯޓު އަމުރުގައި ބަޔާންކޮށްފައިވާ ގޮތުގައި އެމީހާގެ މައްޗަށް ވަނީ އައިޖީއެމް ހޮސްޕިޓަލުގައި ޑިއުޓީގައި ހުރި ފުލުހަކާއި މާރާމާރީ ހިންގިކަމުގެ ތުހުމަތު ކޮށްފަ އެވެ.

މި މާރާމާރީ ހިނގަން މެދުވެރިވި ސަބަބެއް އަދި މިހާތަނަށް ސާފުވެފައެއް ނުވެއެވެ.