ދައުލަތުގެ މީޑީއާ ޕަބްލިކް ސާވިޒް މީޑިއާގެ މެނޭޖިންގް ޑިރެކްޓަރުގެ މަގާމުން ޒީނާ ޒާހިރު އިސްތިއުފާ ދެއްވައިފިއެވެ.

ޕީއެސްއެމްގެ މީޑިއާ އޮފިޝަލަކާއި ހަވާލާދީ ރާއްޖޭގެ އޮންލައިން ނޫހެއް ކަމަށްވަ 'ދަޕްރެސް' އިން ރިޕޯޓްކޮށްފައިވާ ގޮތުގައި ޒީނާ ވަނީ އިއްޔެގެ ވަގުތެއްގައި އިސްތިއުފާ ދެއްވާފައެވެ.

ޒީނާ ޕީއެސްއެމްގެ އެމްޑީގެ މަގާމުން އިސްތިއުފާ ދެއްވާފައިވާ ސީދާ ސަބަބެއް އަދި ސާފުވެފައި ނުވާއިރު، ބައެއް މީޑިއާތަކުން ރިޕޯޓްކޮށްފައިވާ ގޮތުގައި ޒީނާ އިސްތިއުފާ ދެއްވި ކަން ވަނީ ޕްރައިވަޓައިޒޭޝަން ބޯޑު ޕީސީބީއަށް އަންގާފަ އެވެ.

Advertisement

ޒީނާ ވަނީ މީގެ ކުރިން އަމިއްލަ އޮންލައިން ނޫހެއް ހިނގާފައެވެ. އޭނާ މިދިޔަ ނޮވެމްބަރު މަހުގެ ތެރޭގައި ޕީއެސްއެމްގެ އެމްޑީގެ މަގާމާއި ހަވާލުވެފައިވާއިރު، އޭނާ އަކީ ޕީއެސްއެމް އުފެދުނު ފަހު އެކުންފުނީގެ އެމްޑީގެ މަގާމާ ހަވާލުވި ފުރަތަމަ އަންހެން ބޭފުޅާއެވެ.