މޯލްޑިވްސް އޮލިމްޕިކް ކޮމިޓީ ހުންނަ އިމާރާތު ދެވަނަ ފަންގިފިލާއިން ވައްކަންކޮށް މޯބައިލް ފޯނާއި މެޑަލް ވަގަށް ނަގައިފި އެވެ.

ފުލުހުން ބުނެފައިވާ ގޮތުގައި މިމަހުގެ 21 ވަނަ ދުވަހު މިތަނުން ވައްކަން ކޮށްފައިވާކަން ފުލުހުންނަށް ރިޕޯޓްކޮށްފައިވާ ކަމަށާއި، ވައްކަން ކުރި ތަކެތި ހޯދުމަށް ފުލުހުން ކުރި މަސައްކަތުން އެ ތަކެތި މިހާރު ހޯދިފައިވާ ކަމަށެވެ.

އެގޮތުން އެތަނުން ވަގަށް ނަގާފައިވާ ތަކެތީގެ ތެރޭގައި މޮބައިލް ފޯނާއި، މެޑަލްއާއި، ޓޯކެން ގެ އިތުރުން އެހެނިހެން ތަކެތިވެސް ހިމެނޭ ކަމަށް ފުލުހުން މައުލޫމާތު ދެއެވެ. އަދި މިމައްސަލަ އިތުރަށް ތަހުގީގު ކުރަމުން އަންނަ ކަމަށް ވެސް ފުލުހުން ބުނެފައިވެއެވެ.

Advertisement

މިމައްސަލާއިގެ އިތުރުން ނޯތު ހާބަރުގައި އޮތް ބޯޓަކުން 000'50 ރުފިޔާގެ އަގުހުރި ރިހާކުރު ޓައްޕުތަކެއް ވަގަށް ނެގި މައްސަލައެއް ފުލުހުން ދަނީ ބަލަމުންނެވެ. ފުލުހުން މައުލޫމާތު ދީފައިވާ ގޮތުގައި ސީސީޓީވީ ފޫޓޭޖްގެ އެހީގައި މިހާރު ވަގަށް ނަގާފައިވަ ރިހާކުރު ޓައްޕުތައް ވަނީ ހޯދާފައެވެ. އަދި މިމައްސަލަ އާއި ގުޅިގެން އަދި މިހާތަނަށް އެއްވެސް މީހަކު ހައްޔަރުކޮށްފައި ނުވާއިރު، މިމައްސަލަ އިތުރަށް ތަހުގީގު ކުރާކަމަށް ފުލުހުން ވަނީ ބުނެފަ އެވެ.