އަންނަ އޮކްޓޫބަރުމަހު އިންޑިޔާގައި ފަށާ ވޯލްޑްކަޕް ކްރިކެޓް މުބާރާތަށް ޕާކިސްތާނުގެ ގައުމީ ޓީމު ފޮނުވަން އެންމެ ފަހުން ނިންމައިފި އެވެ.

ޕާކިސްތާނުން މި ގޮތަށް ނިންމީ ދެ ގައުމުގެ ސިޔާސީ ގުޅުން ގޯސްވެ، ޕާކިސްތާނުގައި މި މަހު ފަހުކޮޅު ފަށާ އޭޝިޔާކަޕަށް އަންނާނެކަމުގެ ޔަގީންކަން އިންޑިޔާއިން ލިޔުމުން ނުދެނީސް ވޯލްޑްކަޕަށް އިންޑިޔާ އަށް ނުދާނެ ކަމަށް އެތައް ދުވަހެއް ވަންދެން ބުނުމަށްފަހު އެވެ.

ނަމަވެސް އެ ގައުމުން އިއްޔެ ބުނީ ދެ ގައުމުގެ ކުޅުން ކިތަންމެ ގޯސްކޮށްއޮތަސް ސިޔާސީ ކަންކަމާއި ކުޅިވަރަކީ ތަފާތު ދެ ކަމެއް ކަމަށެވެ. މި ދެގައުމު 2013އިން ފެށިގެން އެއްބަޔަކު އަނެއް ބަޔަކާ ދެކޮޅަށް ކުޅެމުން އަންނަނީ މުޅިން ވެސް އެހެން ގައުމުތަކުގަ އެވެ.

Advertisement

ޕާކިސްތާނުން ވަނީ އިންޑިޔާ އަށް ޓީމު ފޮނުވުމުގެ އިންޑިޔާ އަށް ޒިޔާރަތްކޮށް ދަނޑުތަކާއި ހޮޓާތަކާއި އެގައުމުގެ ނޫސްވެރިންނާއި ސަޕޯޓަރުންގެ އިންތިޒާމްތައް ޗެކްކޮށްފަ އެވެ. އެއީ އިންޑިޔާ އަށް ޓީމު ފޮނުވުމާމެދު ކެބިނެޓްގެ 13 ވަޒީރުން ޓީމަކުން މަޝްވަރާކުރުމަށްފަހު އެވެ. އެކޮމިޓީން ކުރިން ބުނަމުން އައީ ޕާކިސްތާނުގެ ޓީމު އިންޑިޔާ އަށް ފޮނުވުމުގެ ކުރިން އެސެސްމަންޓް ރިޕޯޓެއް ހަދަމުންދާ ކަމަށާއި ވަކިގޮތެއް ނިންމާނީ ޕާކިސްތާނުގެ ބޮޑުވަޒީރު ކަމަށެވެ.

އިންޑިޔާ ވަނީ ދެ ފަހަރު ވޯލްޑްކަޕް ކާމިޔާބުކޮށްފަ އެވެ. ޕާކިސްތާނު އެއް ފަހަރު ތަށިހޯދި އެވެ.