ސަރުކާރުގެ އިތުރު ހަ ކުންފުންޏެއް އެއްކޮށްލަން މިއަދުގެ ވަޒީރުންގެ މަޖިލީހުގައި މަޝްވަރާކުރައްވާނެ ކަމަށް ރައީސް ޑރ. މުޙައްމަދު މުއިއްޒު މިއަދު ވިދާޅުވެއްޖެއެވެ.

ވަޒީރުންގެ މަޖިލީހުގެ ބައްދަލުވުމަށް ވަޑައިގަތުމުގެ ކުރީގައި އާންމުކުރެއްވި ވީޑިއޯއެއްގައި ރައީސް ވިދާޅުވީ، މިއަދުގެ ވަޒީރުންގެ މަޖިލީހަށް އެޖެންޑާކޮށްފައިވާ ކަންކަމުގެ ތެރޭގައި ސަރުކާރު ކުންފުނިތައް ރިފޯމްކުރުމުގެ މަސައްކަތުގެ ތެރެއިން މުހިންމު ތިން ކަމެއް ހިމެނޭ ކަމަށެވެ. އެއީ:

* ރީޖަނަލް އެއާޕޯޓް ކޮމްޕެނީ، މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ ދަށަށް ބަދަލުކުރަން މަޝްވަރާކުރުން
* ހައުސިން ޑިވޮލޮޕްމަންޓް ކޯޕަރޭޝަން (އެޗްޑީސީ)އާއި ފަހި ދިރިއުޅުން ކޯޕަރޭޝަން (އެފްޑީސީ) އެއްކުރަން މަޝްވަރާކުރުން
* މޯލްޑިވްސް ފަންޑް މެނޭޖްމަންޓް ކޯޕަރޭޝަނާއި ބިޒްނަސް ސެންޓަރު ކޯޕަރޭޝަން (ބީސީސީ)އާ އެއްކުރަން މަޝްވަރާކުރުން

Advertisement