ފުލުހުންގެ ބެލުމުގެ ދަށުގައި ހުއްޓާ އާދަމް އަޠުހަރު ނިޔައުވި މައްސަލަ ހިއުމަން ރައިޓްސް ކޮމިޝަން އޮފް ދަ މޯލްޑިވްސް އިން ތަޙުގީގު ކުރަން ފަށައިފި އެވެ.

އެޗްއާރްސީއެމް އިން ދާދި ދެންމެއަކު މީޑިއާތަކާއި ހިއްސާކޮށްފައިވާ މެސެޖެއްގައި ބުނެފައި ވަނީ 2024 އޮގަސްޓް 29 ވަނަ ދުވަހުގެ ރޭގަނޑު އަތުހަރު ފުލުހުންގެ ބެލުމުގެ ދަށަށް ގެނައުމަށް މަސައްކަތްކުރުމުގެ ތެރޭގައި ދިވެހި ފުލުހުންގެ ޚިދުމަތުގެ އޮފިސަރުން ބާރުގެ ބޭނުންކޮށްފައިވާ ގޮތް އެކޮމިޝަނުން ތަހުގީގު ކުރަމުން އަންނަ ކަމަށެވެ.

ކޮމިޝަނުން ހާމަކޮށްފައިވާ ގޮތުގައި ހާދިސާ ހިނގި ރެއިން ފެށިގެން އަތުހަރަށް ބޭސްފަރުވާ ފޯރުކޮށްދިނުމުގައި ފުލުހުން އަމަލުކޮށްފައިވާ ގޮތާއި އަދި މި ހާދިސާގައި ފުލުހުންގެ ބެލުމުގެދަށަށް އާދަމް އަޠުހަރު ގެންދިއުމަށްފަހު އޭނާއަށް ސިއްޙީ ފަރުވާ ފޯރު ކޮށްދިނުމުގައި ފުލުހުންގެ އަމަލު ކޮށްފައިވާ ގޮތް ބަލަމުންދާ ކަމަށެވެ.

Advertisement

މީގެއިތުރުން ފުލުހުންގެ ބެލުމުގެ ދަށުގައި ދޫނިދޫ ޖަލުގައި އަޠުހަރު ވަނިކޮށް 1 ސެޕްޓެމްބަރު 2024 ގައި އަމިއްލައަށް މަރުވާން އަތުހަރު މަސައްކަތް އުޅުނު ހާދިސާއާ ގުޅޭ މަޢުލޫމާތު އެކޮމިޝަނާއި ފުލުހުންގެ ހިއްސާ ކުރި ވަގުތުން ފެށިގެން ކޮމިޝަނުގެ ރެޕިޑް ރެސްޕޮންސް ޓީމުން ހަރަކާތްތެރިވެ މިކަމާ ގުޅުންހުރި މައުލޫމާތުތައް އެއްކޮށް އެމައްސަލަވެސް ކޮމިޝަނުން ބަލަމުންދާ ކަމަށް ވަނީ ބުނެފައެވެ.